Qoǵam ókilderi, ortalyq, jergilikti memlekettik organdarynyń jáne kvazımemlekettik sektor sýbektileriniń basshylyǵy qatysqan is-sharany asha otyryp, agenttik tóraǵasy A.Shpekbaev azamattyq qoǵamdy jańa jospardy ázirleýge belsendi tartýdyń ózektiligin atap ótti.
Agenttik ókiliniń negizgi baıandamasynyń barysynda jospardyń jobasyna júzege asyrylýy sapalyq ózgeristerge múldem áser etpeıtin formaldy jáne deklaratıvti usynystardy joldaǵan jekelegen memlekettik organdarǵa qatysty synı pikirler aıtyldy.
Arnaıy monıtorıngtik toptyń belsendi músheleriniń biri T.Nárikbaev sybaılas jemqorlyqqa qarsy is-qımyl jónindegi is-sharalardy ázirleý kezinde memlekettik organdardyń birinshi basshylarynyń mindetti túrde qatysýy qajettigin jáne olardyń jaýapkershiligin arttyrýdy atap ótti.
«Talap» qoldanbaly zertteýler ortalyǵynyń basshysy R.Oshaqbaev sybaılas jemqorlyqqa qarsy strategııany shyn máninde tıimdi qujatqa aınaldyryp, qaıta qurýdy usyndy.
Salalyq sarapshylar men qoǵamshyldardyń tujyrymdaryn nazarǵa ala otyryp, aıtylǵan syn-eskertpelerdiń negizinde memlekettik organdar men uıymdarǵa óz usynystaryn qaıta pysyqtaýǵa múmkindik berý týraly sheshim qabyldandy. «Búgin sybaılas jemqorlyqqa qarsy kún tártibine azamattardyń basym kópshiliginiń nazary aýdaryldy, sondyqtan memlekettik organdardyń basshylyǵyna bul máselege patrıottyq sezim men el bolashaǵy úshin jaýapkershilikti eskere otyryp qaraý óte mańyzdy», dedi agenttik tóraǵasy.
