Pikir • 14 Tamyz, 2020

Júrekterdiń daýasy

27 ret kórsetildi

Zańǵar taýlardyń alystaǵan saıyn bıikteı beretini sekildi, jyldar jyljyp, ýaqyt aǵyny syr­ǵyǵan saıyn qazaq sanasynda Shámshi Qaldaıaqovtyń aıaýly esimi bıikteı bermek. Án bolyp jaralǵan Shámshi sanaly ǵumyrynda tutas dalany ánmen áldıledi. Halyqtyń ishinde júrip, týǵan eline degen aq adal mahabbatyn ánmen ádiptedi. Shámshi álemi sezim deıtin tylsymdy ıirimge salyp, ózine qaraı tarta beretin qýatty kúsh. Onyń áni qazaq mádenıetiniń sarqylmas qazynasyna, injý-marjan murasyna aınalǵaly qashan. Týma talanttyń qaı týyndysy bolmasyn ómirdiń ózinen alynǵan. Sezimińdi tolqytpaýy, kóńilińdi terbemeýi, júregińdi eljiretpeýi múmkin emes.

Shámshi ánimen tárbıelengen qanshama býyn mahabbat pen saǵy­nyshtyń, izgilik pen meıirimniń qudiretin saz arqyly boıyna sińirdi.

Aıtýly aqyndarymyzdyń qýat­ty jyrlary Shámshi ánimen jym­dasqanda, án men jyr bir-biri­men jarasyp-jamyrasyp tula boıdy shymyrlatar tańǵajaıyp týyndyǵa aınaldy. Shámshi áni talaı oryndaýshynyń juldyzyn jarqyratyp, halyqtyń júregine jol ashty. Qanshama óskindi óner álemine ińkár etti.

Kúni búginge deıin kez kelgen dýmandy keshter men qýanysh das­tarqandarynyń tórinde Shám­shiniń áni shyrqalady. Bolashaqta da solaı bolatyny aıqyn. Sulý sazdy serik etken kompozıtorlarymyz úshin aınymas úlgi, jol silteıtin temirqazyq bolyp Shámshi aǵamyz tur.

Qazaqtyń qaı topyraǵyna barsań da Shámshi aǵa shalqyǵan shalqar án bolyp aldyńnan shyǵady. Jas ta, kári de onyń ánin súıip aıtady. Arystyń jaǵasy men Kaspııdiń tolqyny án bolyp keýdeńdi shymshylaıdy, baqyt qushaǵyna tartady, Syr sulýy bolyp janyńdy shýaqqa bóleıdi. Bir sózben aıtqanda, onyń shyǵarmalary máńgilik mura, onyń áni júrekterdiń daýasy.

Osynaý mereıtoıǵa oraı, aldaǵy ýaqytta ózim eńbek etip júrgen Jambyl atyndaǵy memlekettik fılarmonııanyń ujymy jaqsy jobalardy júzege asyrýdy kózdep otyr. Basqa da óner ujymdary Shám­shi ánderine arnalǵan túrli onlaın konsertter ótkizip jatyr. Munyń bári halyqtyń uly daryn ıesine degen sheksiz qurmeti.

 

 Nurǵalı NÚSIPJANOV,

 Qazaqstannyń halyq ártisi,

 Memlekettik syılyqtyń laýreaty

Sońǵy jańalyqtar

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Uqsas jańalyqtar