Saıasat • 14 Tamyz, 2020

Rýhanı jańǵyrý: Mazmunǵa mán beretin kez keldi

36 ret kórsetildi

Prezıdent janyndaǵy Ortalyq kommýnıkasııalar qyzmetiniń alańynda «Rýhanı jańǵyrý» baǵdarlamasynyń iske asyrylý barysy men onyń negizgi nátıjeleri týraly baspasóz máslıhaty ótti. Oǵan Aqparat jáne qoǵamdyq damý vıse-mınıstri Bolat Tilepov jáne «Ulttyq aýdarma bıýrosy» qoǵamdyq qorynyń atqarýshy dırektory Raýan Kenjehanuly qatysty.

Osydan úsh jyl buryn memlekettik ıdeologııanyń baǵytyn aıqyndap, baǵdaryn boljaǵan «Rýhanı jańǵyrý» baǵdarlamasy qolǵa alynǵan edi. Atalǵan baǵdarlama bıyl da júıeli jalǵasyn taýyp, jańa kezeńge qadam basty. «Búgingi «Rýhanı jańǵyrýdyń» basty maqsaty – qoǵamdyq sana, basty sharty – ulttyq kodty saqtaý. Kórip-bilip otyrsyzdar, álem kún saıyn ózgerip jatyr. Aıtyp kelmegen indettiń ózi adamdardyń ómir saltyn ǵana emes, tutastaı memleketterdiń saıasatyn ózgertýde. Birinshi kezekke qazir eldiń tán saýlyǵy ǵana emes, jan saýlyǵy, ıaǵnı, rýhanı kúshi, saýaty men tálim-tárbıesi shyǵyp otyr. Munyń barlyǵy bir kúnde, bir jylda bola salatyn dúnıe emes. Sebebi, adamnyń tánin emdeý qanshalyqty qıyn bolsa, janyn emdeý qıynnyń qıyny. Sondyqtan qoǵamnyń rýhanı jańǵyrý máselesine belgili bir merzimdi baǵdarlama dep emes, únemi damytyp, tolyqtyryp otyratyn úlken ıdeıalyq tuǵyrnama dep qaraǵan jón», dedi B.Tilepov.

Onyń aıtýynsha, ótken úsh jylda baǵdarlamany basqarýdyń ınstıtýttyq negizi tolyq qalyptastyryldy. Barlyq aımaqtarda jobalyq keńseler ashylyp, ár óńirdiń ereksheligine baılanysty mazmundy josparlar quryldy. Mınıstrlik janynan qoǵamdyq damý ınstıtýty jolǵa qoıyldy, jergilikti atqarýshy organdar jáne óńirlik jobalyq keńselermen jumys jandandyryldy, taldamalyq jáne ádistemelik súıemeldeýdi qamtamasyz etetin qazaqstandyq qoǵamdyq damý ınstıtýtynyń qyzmeti jolǵa qoıyldy. Oǵan ǵylymı-saraptamalyq mindetten bólek, óńirlik keńselerdegi mamandarǵa ádistemelik kómek kórsetý jumysy júkteldi. Sonymen qatar 6 baǵyt boıynsha 13 joba bekitilip, olardyń aıasynda ondaǵan myń is-sharalar ótti. «Bul jerde biz úshin mańyzdysy san emes, sapa. Sebebi, tájirıbe kórsetkendeı, keıbir jerlerde eseptilik, naýqanshyldyq sııaqty úrdisterdiń oryn alǵany jasyryn emes. Bul týraly jyl basynda ótken memlekettik komıssııanyń otyrysynda da naqty aıtyldy. Nátıjesinde, óńirlerdegi barlyq is-sharalarǵa qaıta taldaý jasalyp, rýhanı jańǵyrýǵa múldem qatysy joq, mazmuny saıaz, maqsaty suıyq kóptegen sharalar alynyp tastaldy», dedi vıse-mınıstr.

О́tkiziletin is-sharalardyń sany emes, sapasy mańyzdy ekenin aıtqan vıse-mınıstr bul mindetke qol jetkizý úshin baǵdarlamany iske asyrýdyń úsh baǵyty bekitilgenin jetkizdi. Onyń aıtýynsha, birinshi, «tulǵalyq damý» baǵytyna bilimniń saltanat qurýy, básekege qabilettilik, sananyń ashyqtyǵy, pragmatızm qaǵıdattary kirdi. Ekinshi baǵyt – ulttyq biregeılikti saqtaý, halyqaralyq mártebeni arttyrý. Úshinshi baǵyt – memlekettiń, azamattyq qoǵamnyń jáne jergilikti qoǵamdastyqtardyń damýy. Atalǵan baǵyttardy iske asyrý úshin ortalyq memlekettik organdar men jergilikti atqarýshy organdarǵa arnalǵan arnaıy usynymdar ázirlenip, jiberildi. Osy rette joǵaryda atalǵan tizimnen «Týǵan jer» jobasyn ádeıi atap ótkim keledi. О́zderińiz bilesizder, 2018 jyldan bastap mınıstrlik «Jomart júrek» syılyǵyn taǵaıyndap, ony qaıyrymdylyqqa jany jaqyn jandarǵa jyl saıyn usynyp keledi. Olardyń ishinde, týǵan ólkesine erekshe úles qosyp júrgen tulǵalardyń orny bólek. Baǵdarlamany iske asyrýdyń úsh jylynda osyndaı 12 myń mesenattyń demeýshiligimen 270 mlrd teńgeniń jumysy atqaryldy», – dedi B.Tilepov.

Vıse-mınıstrdiń aıtýynsha, jomart júrekti azamattardyń qoldaýymen 2600-den astam túrli áleýmettik-rýhanı mańyzy bar nysan turǵyzylyp, 2142 nysan qaıta jóndeýden ótti. Bıylǵy qıyndyqtarǵa qaramastan, 2131 demeýshiniń arqasynda elimizdiń ár aımaǵynda 228 nysan salynypty. Onyń ishinde 2 mektep, 2 balabaqsha, 19 mádenıet nysany, 36 sport alańy, 31 balalar alańy bar. Bul jumys aldaǵy ýaqytta da jalǵasyn tabady. Ol úshin mınıstrlik tarapynan da, jergilikti bılik tarapynan da qajetti jaǵdaı jasalady.

«Rýhanı jańǵyrý» baǵdarlamasynyń bir tarmaǵy – «Jańa gýmanıtarlyq bilim – qazaq tilindegi 100 jańa oqýlyq» baǵdarlamasy. Ulttyq aýdarma bıýrosy kitaptardy aýdarý jumysyn 2017 jyldan bastap qolǵa alǵan bolatyn. Baspasóz máslıhaty barysynda «Ulttyq aýdarma bıýrosy» qoǵamdyq qorynyń atqarýshy dırektory Raýan Kenjehanuly osy baǵytta atqarylyp jatqan jumystarǵa toqtaldy. Onyń aıtýynsha bul jumysqa 300-den astam ǵalym, aýdarmashylar tartylǵan. Jobanyń negizgi maqsaty dúnıe júzindegi eń irgeli oqý oryndarynyń oqý baǵdarlamasyna engen oqýlyqtardy qazaq tiline aýdaryp, otandyq joǵary oqý oryndaryna tegin jetkizý. «Búginde elimizde 1,5 mln stýdent bar. Olardyń 70%-dan astamy qazaq tilinde bilim alyp jatyr. Jobany iske asyrý úshin oqý oryndaryndaǵy fakýltetter qajetti degen kitaptardyń tizimin berdi. Bıylǵy aýdarylǵan oqýlyqtardyń deni shyǵarmashylyq baǵytta oqytylatyn stýdentterge arnaldy», dedi R.Kenjehanuly. Onyń aıtýynsha, 2017 jyldan beri 77 oqýlyq aýdarylyp, olar 10 myń danamen jaryq kóripti. Bul oqýlyqtar elimizdegi 132 joǵary oqý ornynyń kitap qoryna jetkizilgen. Sonymen qatar oqýlyqtardyń elektrondy nusqalary «Qazaqstannyń ashyq ýnıversıteti» portalyna engizildi. Al bıyl aýdarylǵan 30 jańa kitap – kıno, teatr óneri, mýzyka salasyndaǵy álemniń úzdik ǵalymdarynyń eńbekterin jáne quqyqtaný baǵytyndaǵy birneshe basylymdy quraıdy. Kitaptardyń tolyq tizimin 100 kitaptyń resmı saıtynan kórýge bolady.

 

Sońǵy jańalyqtar

Muraǵattar muń shaǵady

Ádebıet • Búgin, 19:50

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Uqsas jańalyqtar