Saıasat • 14 Tamyz, 2020

О́ńirlerdegi jobalar el ıgiligine aınalýy tıis

10 ret kórsetildi

Senatorlar Ǵ.Dúısembaev pen L.Súleımen Atyraý oblysyna sapar barysynda Mahambet jáne Isataı aýdandaryna bardy. Sonyń aıasynda olar Aısary arnasynyń jáne Mahambet aýylynda Jaıyq ózeniniń ústinen salynyp jatqan jańa kópirdiń qurylysymen tanysty. Sondaı-aq jergilikti bilim oshaǵyna arnaıy at basyn buryp, mekteptiń aldaǵy oqý jylyna, sonyń ishinde qashyqtan oqytý formatyna daıyndyǵyn pysyqtady.

Budan basqa senatorlar qurylys materıaldaryn shyǵaratyn zaýyt jumysshylarymen kezdesip, qazirgideı kúrdeli kezeńde za­ýyt, fabrıka jáne basqa da kásiporyn basshylary jumys oryndaryn saqtap, jumysshylaryna jalaqyny ýaqtyly berip otyrýdyń mańyzy zor ekenin aıtty. Sonymen qatar senatorlar Inder-Qarabaý-Mııaly-Saǵyz baǵytyndaǵy jol qurylysynyń jaı-kúıimen tanysty. Qurylys jumystary jospar boıynsha 2021 jyldyń ekinshi jartysynda aıaqtalmaq. Senatorlar munaıly ólkedegi saparynda medısına qyzmetkerlerimen de kezdesti. Dárigerler koronavırýs indetine qatysty jergilikti jaǵdaıdy baıandap, dári-dármekpen qamtamasyz etýge jáne aýrýdyń qaıta órship ketýiniń aldyn alýǵa arnalǵan sharalar jóninde aıtty.

 * * *

Májilis depýtattary aımaqtarǵa sapary barysynda pandemııa saldarynan qıyn jaǵdaıda qalǵan turǵyndar máselesine aıryqsha nazar aýdarýda. Nur Otan, «Aq jol», «Halyq kommýnısteri» parlamenttik fraksııalarynyń ókilderi jáne QHA depýtattary birneshe baǵyt bo­ıynsha jumys atqarýda. Olar: áleýmettik máseleler, turǵyndarǵa tikeleı kómek, eńbekpen qamtý, shaǵyn jáne orta bıznesti qoldaý. Sondaı-aq depýtattar azamattardyń densaýlyǵyn, ekonomıkalyq ál-aýqatyn jaqsartý baǵytyna basa kóńil bóle otyryp, qaıyrymdylyq aksııalaryna, áleýmettik jáne eriktiler jobalaryna belsene qatysýda. «Halyq kommýnısteri» fraksııasynyń músheleri A.Qońyrov pen J.Ahmetbekov qazirgi ýaqytta «Shapaǵat» partııalyq qaıyrymdylyq jobasy aıasynda sharalarǵa qatysýda.

* * *

Senat depýtaty R.Ábdikerov Qaraǵandy oblysy Nura aýdanyna jasaǵan sapar barysynda aımaqtaǵy koronavırýs indetine qatysty ahýalǵa erekshe kóńil bólip, ortalyq aýdandyq aýrýhanaǵa arnaıy bardy. Jergilikti mamandardyń aıtýynsha, pandemııa bastalǵaly beri aýdannyń 1700-ge jýyq azamatynan synama alynǵan. Sonyń 246-synan dert juqtyrǵany anyqtalǵan. Degenmen, búginde naýqastardyń 90 paıyzy emdelip shyqqan. О́z kezeginde senator emdeýmen birge, aýrýdy anyqtaý, aldyn alý sharalaryn únemi basty nazarda ustaý kerektigin aıtty. Sonymen qatar senator aýdandyq prokýratýranyń qyzmetkerlerimen kezdesti. Depýtat Parlamenttiń Qylmystyq kodekske túzetýler engiz­genin, mundaı sharalar aýyldyq jerlerde qylmysty azaıtyp, halyqtyń ál-aýqatyn arttyrýǵa yqpal etetinin atap ótti.

 * * *

Májilismender eńbekpen qamtý máselesine de basa nazar aýdarýda. Máselen, Aqtóbe oblysynda bolǵan Májilis depýtattary G.Shegelskıı, D.Espaeva jáne S. Sımonov salynyp jatqan «Iýjnyı obhod» nysanynda boldy. Bul nysan arqyly búginde 600-den astam aqtóbelikter jumyspen qamtylyp otyr. Merdigerlerdiń aıtýynsha, qurylysqa qoldanylǵan materıaldardyń barlyǵy qazaqstandyq ónimder. Onyń deni osy aımaqta óndirilgen.

 * * *

Senat depýtattary R.Ákimov pen D.Ádilbekov jumys saparymen Aqmola oblysyna bardy. Aqkól qalasynda senatorlar qazandyq pen jylý jelilerin jóndeý jumystaryna erekshe nazar aýdardy. О́ıtkeni shaharda kóppáterli úılerdi jylytýǵa qatysty týyndaǵan másele bar. Búginde jańa qazandyqtyń irgetasy quıylyp, metall qańqasy ornatylǵan. Ol aldaǵy jylý maýsymynda iske qosylady dep jos­parlanyp otyr. Sonymen qatar senatorlar «Jańa Kolýton-Aqkól-Azat-Mınsk» baǵytyndaǵy oblystyq mańyzy bar joldyń jóndeý jumystaryn júrgizip jatqan jumysshylarmen kezdesti. Jergilikti bılik ókilderiniń sózine qaraǵanda, sońǵy birneshe jyl boıy joldyń atalǵan bóliginiń sapasy syn kótermeı, halyqty ábigerge salǵan. Soǵan baılanysty bıyl jóndeý jumystaryna tıisti qarajat bólinip otyr. Bul joba kelesi jyly aıaqtalmaq.

 * * *

Májilis depýtaty G.Bıjanova Qaraǵandy oblysy Qarqaraly aýdanynda memlekettik baǵdarlama jaıymen tanysty. Búginde aýdanda 10 memlekettik baǵdarlama júzege asyrylýda. «Jumyspen qamtý» jol kartasy» boıynsha 18 joba qolǵa alynýda. Bul maqsatqa 998 mln 944 myń teńge bólinip, 250 jergilikti turǵyn jumysqa ornalastyrylǵan. Sapar barysynda depýtat azamattardy baspanamen qamtý jaıyna da basa nazar aýdardy. Kópbalaly, áleýmettik az qamtylǵan jáne bıýdjettik sala qyzmetkerleri úshin aýdanda 18 páterli, 4 turǵyn úı salynýda. Jalpy «Nurly jer» baǵdarlamasy boıynsha 1 203,2 mln teńgege turǵyn úı salynýda. Aýdanda aýyldyq aýmaqtardy jańǵyrtýǵa baǵyttalǵan «Aýyl – el besigi» jobasyna basa kóńil bólingen. Osy maqsatta birqatar nysandarǵa kúrdeli jóndeý júrgizilýde.

* * *

Májilis depýtaty Ahmet Mýradov QHA ókilderimen, kásipkerlermen jáne eriktilermen birge aýrýhanalarǵa qajet quraldar jetkizdi. Kómekke muqtaj jandarǵa azyq-túlik basqa da zattaı kómek kórsetildi. Depýtattar aımaqtaǵy jumystaryn jalǵastyra otyryp, aldaǵy ýaqytta azamattardyń áleýmettik ahýalyn qatań baqylaýda ustamaq.

 

 

 

Sońǵy jańalyqtar

Muraǵattar muń shaǵady

Ádebıet • Búgin, 19:50

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Uqsas jańalyqtar