Kerisinshe, olardy olardy modernızasııalaý kelesi jyly aıaqtalady.
Baqytjan Saǵyntaev trolleıbýstardyń jumysyn qamtamasyz etetin baılanys jelileri men qosalqy stansııalardy jańǵyrtý baǵdarlamasy ótken jyly qabyldanǵanyn atap ótti. Alaıda, pandemııaǵa baılanysty shyǵyndardy qysqartýǵa týra keldi.
«Osy jyldyń sońyna deıin 16 kóshedegi baılanys jelileri jańartylady. Biz 2021 jyly trolleıbýs ınfraqurylymyn tolyǵymen modernızasııalaýdy, onyń ishinde 172 km áýe jelilerin aýystyrýdy aıaqtaýdy josparlap otyrmyz», - dedi Almaty ákimi.
Ákimniń aıtýynsha, 2020 jyldyń aıaǵynda Almatyda Jandosov, Seıfýllın, Qabanbaı batyr, Áýezov, Rozybakıev, Jubanov, Emsov, Qaldaıaqov, Pýshkın, Rysqulov jáne Raıymbek dańǵyldarynyń boıymen baılanys jelisiniń tirekterin jańǵyrtady.
Buryn kabeldik jáne baılanys jelisi 2000 jyly jóndelgeni aıtylǵan. Kúnine 160 trolleıbýs jolaýshylardy segiz baǵyt boıynsha tasymaldaıdy. Aı saıyn jolaýshylar tasymaly shamamen 2,5-3 mıllıon adamdy quraıdy. Joldardyń jalpy uzyndyǵy - 191 shaqyrym.
