Aımaqtar • 14 Tamyz, 2020

Shymkent qalasynyń turǵyndarynan esirtki tabyldy

11 ret kórsetildi

Túrkistan oblysy polıseıleri Shymkent qalasynyń turǵyndarynan sıntetıkalyq esirtki men eki keliden astam marıhýana tárkiledi. Bul týraly Egemen.kz Polisia.kz saıtyna silteme jasap habarlaıdy.

“Kóknar-2020” jedel-profılaktıkalyq is-sharasy aıasynda Túlkibas aýdany Kelte-Mashat avtojolynda Túrkistan oblysy PD Esirtki qylmysyna qarsy is-qımyl basqarmasy men patrýldik polısııa batalonynyń qyzmetkerleri “VAZ-21099” avtokóligin toqtatyp, tekserdi. Jedel ýákilder avtokólikti tintý kezinde esirtki zattary salynǵan polıetılen paketterin tárkiledi. Al, avtokóliktiń júk salǵyshynan marıhýana salynǵan qap alyndy.

Sarapshylardyń qorytyndysyna sáıkes , polıetılen paketterde jalpy salmaǵy 1,5 gramm bolatyn sıntetıkalyq esirtki saqtalǵan. Al ósimdik túpteri, quramynda esirtki zaty bar salmaǵy 2 kg-nan asatyn “keptirilgen marıhýana” bolyp shyqty. Sondaı-aq Saıram aýdanynda sıntetıkalyq esirtkini satpaq bolǵan taǵy bir Shymkent qalasynyń turǵyny ustaldy. Kúdiktiden jedel ýákilder salmaǵy úsh grammǵa jýyq sıntetıkalyq esirtki salynǵan tórt orama (paketık) tárkiledi.

"Eki jaǵdaıda da biz, alfa pırrolıdıno valerofenon (nemese alfaPVP) sıntetıkalyq esirtkilerin tárkiledik", -  dedi Túrkistan oblysy PD bastyǵynyń orynbasary Qurmanbek Sahov.

Bul bizdiń tájirıbemizde alǵash ret oryn alyp otyr. Esirtkiniń bul túri sıntetıkalyq sanatqa jatady, ıaǵnı zerthanalyq jaǵdaıda, basqasha aıtqanda jasandy túrde óndiriledi. Bul óte qaýipti psıhostımýlıator. Aq nemese qyzǵylt tústi krıstaldar. Munymen esirtkige táýeldilik óte tez júredi. Tynys alý jáne júrek qyzmetine teris áser etedi. Al mamandandyrylǵan kómeksiz sońy ólimge ákelýi múmkin. Esirtki qylmystaryn ashý úshin bizge birneshe aı jumys isteý kerek ekenin atap ótkim keledi. Qylmystyń bul túri jasyryn júzege asyrylady.

Qazirgi ýaqytta atalmysh esirtkiler Shymkentten ákelingenin anyqtadyq. Atalǵan eki jaıt boıynsha kúdiktiler megapolıs turǵyndary bolyp shyqty, olardyń bireýi buryn sotty bolǵan. Er adamdar qamaýǵa alyndy. Ustalǵandardyń birine qatysty QR QK-niń 296-baby (О́tkizý maqsatynsyz esirtki, psıhotroptyq zattarmen, olardyń analogtarymen zańsyz jumys isteý) boıynsha sotqa deıingi tergeý amaldary júrgizilýde, al ekinshisi QR QK-niń 297-babymen (Esirtki quraldaryn ótkizý maqsatynda zańsyz daıyndaý, óńdeý, saqtaý, tasymaldaý, jóneltý nemese satý) tirkelip, qylmystyq jaýapkershilikke tartylýda.

О́z kezeginde Túrkistan oblysynyń polıseıleri azamattardy esirtkige baılanysty qylmys jasaýdan saq bolýǵa, sondaı-aq densaýlyqqa zııan keltiretin zııandy ádetterden bas tartýǵa keńes beredi. Tártip saqshylary turǵyndardy sportpen shuǵyldanýǵa jáne salaýatty ómir saltyn ustanýǵa shaqyrady.

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar