Qazaqstan • 14 Tamyz, 2020

Elimizde karantın sharalaryn kezeń-kezeńimen alyp tastaý jospary bekitildi

442 ret kórsetildi

QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda qalyptasqan epıdemıologııalyq jaǵdaıdy eskere otyryp, Karantın sharalaryn kezeń-kezeńimen alyp tastaý jospary qaraldy. Bul týraly primeminister.kz silteme jasap habarlaıdy.

Elimizdegi sanıtarlyq-epıdemıologııalyq jaǵdaı, shekteý sharalaryn jeńildetý jónindegi usynystar, óńirler men kásipkerlik sýbektileriniń qyzmetti qaıta bastaýǵa daıyndyǵy týraly densaýlyq saqtaý mınıstri A. Soı, Nur-Sultan qalasynyń ákimi A. Kólginov, Almaty qalasynyń ákimi B. Saǵyntaev, Qaraǵandy oblysynyń ákimi J. Qasymbek, Túrkistan oblysynyń ákimi О́. Shókeev, Atyraý oblysynyń ákimi M. Dosmuhambetov, «Atameken» UKP basqarma tóraǵasy A. Myrzahmetov jáne t. b. baıandady. Qazaqstanda karantın sharalary kúshine engizilgen kezeńde epıdemıologııalyq ahýal turaqtandyrylyp, medısınalyq uıymdardyń júktemesi aıtarlyqtaı tómendetildi. Vırýsty juqtyrýdyń táýliktik ósimi 4%-dan 0,5%-ǵa deıin tómendedi. Saýyǵyp shyqqan adamdar sany 76%-ǵa jetti. Reprodýktıvtiliktiń ortasha kórsetkishi 0,78-ge deıin tómendedi, tósek oryndarynyń júktemesi 26%-dy quraıdy.

Memlekettik komıssııa óńirlerdiń ákimderiniń usynystaryn, sondaı-aq Densaýlyq saqtaý mınıstrligi men basqa da vedomstvolardyń ustanymyn eskere otyryp, Karantın sharalaryn kezeń-kezeńimen alyp tastaý josparyn bekitti jáne birqatar sheshim qabyldady:

1. 2020 jylǵy 17 tamyzdan bastap barlyq óńirlerde jumysyn qaıta bastaıtyn kásipkerlik sýbektileriniń qyzmet túrleriniń tizbesi bekitildi: SOSO, saýda úıleri (býtıkter), saýda jelileri, jabyq bazarlar (tolymdylyǵy 30%-dan aspaýy tıis, 1 kelýshige 4 sh. m); sulýlyq salondary, shashtaraz, SPA ortalyqtary, kosmetologııalyq qyzmet kórsetetin nysandar (aldyn ala jazylý boıynsha 1 kelýshige 4 sh.m.); basseıni joq fıtnes ortalyqtary (tolymdylyǵy 50%-dan aspaýy tıis, 1 kelýshige 5 sh.m.), basseıni joq monshalar men saýnalar (tolymdylyǵy 50%-dan aspaýy tıis, 1 kelýshige 4 sh.m.); balalarǵa arnalǵan túzetý kabınetteri, balalar jáne eresekterge bilim berý ortalyqtary (toptarda — 5 adamnan artyq emes, jazylý boıynsha); mektepke deıingi balalar mekemeleriniń kezekshi toptary (15 adamnan artyq emes); ashyq aýadaǵy attraksıondar (qashyqtyqty saqtaý, maska taǵy, adamdar aǵynyn retteý). Jumys berýshilerge qyzmetkerlerdiń keminde 80% úshin qashyqtan jumys isteý formatyn saqtaý usynylady.

2. 2020 jylǵy 17 tamyzdan bastap ashyq aýada jeke jáne toptyq jattyǵýlar jasaýǵa (5 adamnan artyq emes) jáne ulttyq qurama, klýb komandalary úshin sporttyq jattyǵýlar jasaýǵa (30 adamnan artyq emes, sport bazalarynda turý, epıdemııaǵa qarsy sharalardy jáne aldyn alý sharalaryn saqtaý) ruqsat etiledi.

3. Bıylǵy 17 tamyzdan bastap qoǵamdyq kólikter sońǵy aıaldamada dezınfeksııalaý men jeldetýdi qamtamasyz etýmen, otyrǵyzý oryndarynyń tolýyna qaraı júre bastaıdy.

4. Salynǵan tyıym saqtalady: oıyn-saýyq, sporttyq, otbasylyq, estelik, saltanatty jáne basqa da buqaralyq is-sharalardy ótkizýge, sonymen qatar úıde ótkizýge; barlardyń, túngi jáne oıyn klýbtarynyń, karaoke, fýdkorttardyń, kınoteatrlardyń jáne balalar men eresekterge arnalǵan basqa da oıyn-saýyq oryndarynyń jumysyna; mádenıet nysandarynyń, mýzeılerdiń qyzmetine, konferensııalar, kórmeler, forýmdar ótkizýge; basseınder, qalalyq jáne qoǵamdyq jaǵajaılar, ashyq akvaparkterdiń jumysyna; dinı nysandardyń jumysyna; qala mańyndaǵy jolaýshylar poıyzdarynyń/elektrıchkalardyń qozǵalysyna, jumys poıyzdaryn, qalaaralyq avtobýstardy/mıkroavtobýstardy qospaǵanda, ortaq vagondardy qurýǵa.

5. Epıdemıologııalyq jaǵdaıdy odan ári turaqtandyrý maqsatynda demalys kúnderi shekteý sharalary saqtalady. «Maska rejımi men áleýmettik qashyqtyqty saqtaý ‒ barlyq adamdar úshin saqtalýy tıis mindetti sanıtarlyq talaptar jáne bul azamattardyń kúndelikti ómirindegi erejelerge aınalýy qajet. Bıznes sýbektileriniń qyzmetin olar tolyq daıyn bolǵan jaǵdaıda ǵana qaıta bastaý qajet», — dedi Úkimet basshysy.

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar