Ekonomıka • 14 Tamyz, 2020

InfoKazakhstan elektrondy platformasy iske qosyldy

75 ret kórsetildi

Búginnen bastap bıznestiń lokdaýnnan shyǵýyna arnalǵan InfoKazakhstan elektrondy platformasy iske qosyldy, - dep habarlaıdy  Egemen.kz "Atameken" UKP Baspasóz qyzmetine silteme jasap.

Karantın  qyzmet kórsetý jáne saýda salasyndaǵy 830 myńnan astam kásipkerdiń qyzmetine teris áser etti, bul salalarda 1,3 mln adam jumys isteıdi. Jedel shtabtyń 40 myń kásipkerge júrgizgen saýalnama nátıjesi qatysýshylardyń 35%-y jumyskerlerin qysqartqan nemese aqysyz demalysqa jiberýge májbúr bolǵanyn kórsetti. Qoǵamdyq  tamaqtaný, kólik, turmystyq jáne basqa qyzmetter, bólshek saýda – anaǵurlym zardap shekken salalar. 

20 shildeden bastap 5 tamyzǵa deıin Densaýlyq saqtaý mınıstrligi, bas sanıtarlyq dáriger, múddeli taraptar jáne bıznes-qoǵamdastyq, kásipkerlerdiń birlesýimen bıznestiń salalar boıynsha jumysyn qaıta bastaý jónindegi algorıtmderdi talqylaý jáne konsýltasııalar serııasy ótti.

"Atameken" Ulttyq kásipkerler palatasy kásipkerlik qyzmetti jańartý jónindegi algorıtmderdi iske asyrý sheńberinde InfoKazakhstan elektrondy platformasyn iske qosty. Atalǵan platforma – barlyq sanıtarlyq normalardy saqtaı otyryp,bızneske karantın rejıminen kezeń-kezeńmen shyǵýǵa kómektesetin sıfrlyq sheshim. Osylaısha epıdemıologııalyq qaterlerdi azaıtýǵa, sondaı-aq kásipkerlik qyzmetti jańartý úshin qolaıly jaǵdaı jasaýǵa baǵyttalǵan qural bolmaq. 

Platformanyń qarapaıym ınterfeısi qysqa merzimde 4 qadam arqyly sanıtarlyq normalarǵa sáıkestik aktisin alýǵa múmkindik beredi:

1-qadam. InfoKazakhstan saıtyna kirip, uıymyńyzdy elektrondy sıfrlyq qoltańba arqyly tirkep, kásibińizge qoıylǵan talaptarmen tanysyńyz. Bıznestiń jekelegen túrleri jumysyn tekserýsiz, habarlama tártibinde qaıta bastaı alady. 

2-qadam. Nysandy talaptarǵa saı daıyndap, jumys isteýge daıyndyǵyńyzdy elektrondy ótinim berý arqyly rastańyz. 

3-qadam. Sanıtarlyq-epıdemıologııalyq qyzmettiń tekserý júrgizýin kútesiz. 

4-qadam. Tekserý júrgizilgen soń nátıje oń bolsa, onda jeke kabınette jumysty qaıta bastaýǵa sanıtarlyq normalarǵa sáıkestik aktisin júktep alý qajet. Eger nátıjes teris bolsa, onda olqylyqtardy rettep, ótinimdi qaıta jiberińiz. 

"Kásipkerlerdiń yńǵaıyna qaraı jáne bıznestiń lokdaýnnan shyǵýynyń ashyqtyǵyn qamtamasyz etý, adamı faktordardy alyp tastaý maqsatynda InfoKazakhstan elektrondy platformasyn iske qostyq. Platforma arqyly ár kásipker qyzmetti jańartýǵa ótinish bere alady. InfoKazakhstan saıtynyń ınterfeısi qarapaıym ári túsinikti, túsindirý jumysyna basa nazar aýdarylǵan. Oqytý rolıkteri, jadnamalar ázirlendi, "Atameken" UKP baılanys ortalyǵy, óńirlik palatalar bazasynda tehnıkalyq qoldaý qyzmeti iske qosyldy. Jýrnalısterdi aýqymdy aqparattandyrý jumysyna atsalysýǵa shaqyramyz", – dedi "Atameken" Ulttyq kásipkerler palatasynyń Basqarma Tóraǵasynyń birinshi orynbasary Eldar Jumaǵazıev.

Platforma tótenshe jaǵdaı kezeńinde Almaty qalasynda tıimdi iske asqan infoalmaty.kz jobasy negizinde ázirlendi. Bul saıtty kásipkerler qala boıynsha júrip-turýǵa ruqsat alý úshin qoldandy. 

Kásipkerler bıznestiń jumys isteýge daıyndyǵy týraly ótinishti júktep, sanıtarlyq normalar men talaptardy saqtaıtyndaryna kepildik beredi. Talaptar oryndalmaıtyn bolsa aıyppuldyq sanksııalar qoldanylady. Saıtta qoǵamdyq baqylaý fýnksııasy jumys isteıdi. Kez kelgen azamat kásiporyn tarapynan sanıtarlyq normalardyń buzylǵany jaıynda shaǵym túsire alady. Al jeke kabınet arqyly kásipker ótinishtiń qaralý deńgeıin baqylap, elektrony ótinish, azamattardan kelip túsken usynymdar men shaǵymdardy qaraı alady. 

Sondaı-aq saıtta ákimdikter, sanıtarlyq dárigerler, polısııa, óńirlik palatalar jáne tutynýshylar lıgasy ókilderinen quralǵan turaqty monıtorıngtik top jumys isteıtin bolady. Resýrs qyzmetin bir mezgilde 150 000 tutynýshy paıdalana alady. 

Barlyq suraqtardy biryńǵaı baılanys-ortalyǵyna 1432 (qońyraý shalý tegin) qońyraý shalyp, qoıýǵa bolady.  

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar