"14 tamyzdaǵy jaǵdaı boıynsha Qazaqstanda koronavırýstyq ınfeksııanyń PTR-oń nátıjesimen 101 myń 848 jaǵdaıy jáne bir táýlikte 476 jańa jaǵdaı tirkeldi. Koronavırýstyq ınfeksııanyń PTR-teris nátıjesimen 16 666 jaǵdaıy anyqtaldy. Onyń ishinde sońǵy táýlikte 934 jaǵdaı", - dedi Aıjan Esmaǵambetova.
Onyń aıtýynsha, qatań shekteý sharalary engizilgennen bastap syrqattanýshylyqtyń táýliktik ósimi 0,5% - ǵa deıin tómendegen. Tirkelgen COVID-19 jaǵdaılarynyń jalpy sanynyń 77% - dan astamy emdelip, kúndelikti ómirge oraldy.
"Qatań shekteý sharalaryn engizý bastalǵannan beri birneshe kórsetkishter boıynsha oń dınamıkaǵa qol jetkizildi. Infeksııanyń berilý qarqyndylyǵyn sıpattaıtyn kórsetkishtiń turaqty tómendeý úrdisi baıqalady. Osylaısha, ınfeksııanyń reprodýktıvti kórsetkishi 2,2 ese (1,72-den 0,78-ge deıin) tómendedi. Tósek-oryndarmen qamtamasyz etý 64% - ǵa tómendedi", - dedi ol.
