Sport • 14 Tamyz, 2020

QFF prezıdenti FIFA onlaın-konferensııasyna qatysty

9 ret kórsetildi

Qazaqstan fýtbol federasııasynyń prezıdenti Ádilbek Jaqsybekov FIFA jáne birqatar ulttyq qaýymdastyqtyń kezdesýine qatysty. Bul týraly Egemen.kz Qazaqstan fýtbol federasııasynyń baspasóz qyzmetine silteme jasap habarlaıdy.

Forýmǵa FIFA jetekshileri, sonymen qatar Ázerbaıjan, Armenııa, Belarýs, Qazaqstan, Moldova, Reseı jáne Ýkraına fýtbol federasııalarynyń basshylary qatysty.

FIFA prezıdenti Djannı Infantıno basqarǵan jıyn onlaın-konferensııa túrinde uıymdastyryldy. Halyqaralyq fýtbol qaýymdastyqtary federasııasynyń basshysy Djannı Infantıno COVID-19 indetiniń álem fýtbolyna tıgizgen áseri, sonymen qatar FIFA-nyń ahýaldy turaqtandyrý boıynsha qabyldaǵan sharalary týraly baıandama jasady.

Ulttyq qaýymdastyqtardyń prezıdentteri pandemııanyń fýtbolǵa tıgizgen keri yqpalyn eńserýdiń sharalaryn túsindirdi. QFF basshysy Ádilbek Jaqsybekov kezdesýge qatysýshylardy qazaq fýtbolynyń qazirgi jaǵdaıymen, sondaı-aq eldegi sanıtarııalyq-epıdemıologııalyq ahýaldyń dınamıkasy jáne áleýmettik-ekonomıkalyq jaǵdaı týraly habardar etti.

FIFA prezıdenti Djannı Infantıno fýtboldy qalpyna keltirý jolynda jasalǵan qadamdar úshin qatysýshylarǵa sheksiz alǵysyn bildirdi.

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar