Aımaqtar • 14 Tamyz, 2020

Alaıaq turǵyndardyń 170 mln teńgesin qaltasyna basqan

58 ret kórsetildi

Saıram APB-nyń polıseıleri turǵyndardy asyl tuqymdy jylqy-sıyrlar ákelip beremin dep aldaǵan alaıaqty ustady. Bul týraly Polisia.kz habarlaıdy, dep jazady Egemen.kz

Kúdikti senimine kirip, aldaý jolymen jábirlenýshilerden 150 mıllıon teńgeden astam iri kólemde aqsha jymqyrǵan.

Tamyz aıynyń basynda APB-na bes jergilikti turǵyn aryzdanyp keledi. Jábir kórýshiniń biri 2019 jyldyń aqpan aıy men 2020 jyldyń shilde aılary aralyǵynda syrttaı tanysy Qostanaıdan asyl tuqymdy sıyrlar ákelip beremin degen syltaýmen 77 mıllıon teńgesin alaıaqtyqpen aldap alǵandyǵy týraly shaǵymdanǵan.

Al kelesi jábirlenýshi bolsa, kúdikti adam Soltústik Qazaqstannan jylqylar alyp kelip beremin dep, 2,4 mıllıon teńgesin jymqyryp, ýádesin oryndamaı ketkendigin habarlady. Úshinshi jábirlenýshiden 10 mıllıon alsa, endi birinen 200 bas jylqy úshin 77 mıllıon, sońǵysynan segiz mıllıonǵa jýyq aqsha alǵan.

Osylaısha kúdikti jábirlenýshilerge bergen ýádesin oryndamaı, ne aqshasyn qaıtarmaı ýaqyt sozyp júrip alǵan. Atalǵan jaıttar Saıram aýdandyq polısııasymen tirkelip, ıaǵnı QR QK–niń 190-baby (Alaıaqtyq) boıynsha engizildi. Saıramdyq polıseıler kúdikti ustaý maqsatynda jábirlenýshilerden jaýap alyp, jedel-izdestirý sharalaryna kiristi.

Nátıjesinde, kúdikti retinde jergilikti turǵyn, jigitti ustady. Tergep-tekserý barysynda qolǵa túsken kúdiktiniń alaıaqtyqtyń bes jaıtyna qatystylyǵy jáne jábirlenýshilerge 170 mıllıon teńgeden astam shyǵyn keltirgendigi aıqyndaldy.

Kúdikti alǵan aqshalardy qajettiligine jaratyp jibergen. О́z kinásin tolyq moıyndap otyr. Qazirgi tańda polıseıler kúdiktiniń osyǵan uqsas basqa da qylmystarǵa qatystylyǵyn anyqtaýda. Qamaýǵa alyndy. Sotqa deıingi tergeý amaldary júrgizilýde. 

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar