Esirtki 28 shilde kúni Begejan aýylynyń 49 jastaǵy turǵynynan tárkilengen. Kúdikti 21 qap marıhýana men 2 paket gashıshti Rýdnyı qalasynda ózi jalǵa alǵan garajda saqtaǵan.
Qazir ustalǵan azamatqa QR QK 297 baby boıynsha satý maqsatynda zańsyz esirtki saqtaǵan degen aıyp taǵylyp, tergeý júrip jatyr. Qylmysy dáleldense, 10 jyldan 15 jylǵa deıin bas bostandyǵynan aıyrylýy múmkin. Qylmystyq is barysynda arnaı saraptamalar taǵaıyndalyp, sotqa deıingi tergeý sharalary júrip jatyr. Tárkilengen esirtki zattaryn aqshaǵa shaqsa, 30 mln teńge shamasynda bolady eken.
Rýdnyı qalalyq polısııa basqarmasy bastyǵynyń orynbasary Erbol Kákenovtyń aıtýynsha, asa iri kólemdegi esirtki zattaryn saqtaýǵa zań boıynsha ruqsat etilmeıdi. Onyń qylmyskerge sot úkimi shyqpaı jatyp joıylýynyń sebebi de osy.
