Qazaqstan • 14 Tamyz, 2020

Koreıanyń Ulttyq týrızm uıymy Qazaqstanǵa 1000 qorǵanysh kostıýmin berdi

11 ret kórsetildi

Koreıanyń Ulttyq týrızm uıymy COVID-19 indetimen kúreste Qazaqstanǵa kómek qolyn sozyp, QR Densaýlyq saqtaý mınıstrliginiń Taýarlar men qyzmetterdiń sapasy men qaýipsizdigi komıtetiniń «Ulttyq saraptama ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna quny 25 myń AQSh dollarynan asatyn 1000 qorǵanysh kostıýmin berdi.

О́z kezeginde «Ulttyq saraptama ortalyǵy»  halyqtyń sanıtarlyq-epıdemıologııalyq ıgiligin qamtamasyz etý salasynda qyzmetti júzege asyrýǵa jaýapty.

Koreıa Respýblıkasyndaǵy Mádenıet, sport jáne týrızm mınıstrligine qarasty Ulttyq týrızm uıymy Qazaqstanǵa osylaısha jahandyq indetpen kúresýge ózindik járdemin berip otyr.

Osy arada KHIDI aqparattaryna sáıkes, Koreıadaǵy medısınalyq týrızmdi tańdaıtyn elderdiń ishinde Qazaqstan 8-orynda turǵanny aıta ketý kerek. Sondyqtan da Koreıa eli COVID-19indetimen kúreste Qazaqstanǵa barynsha qoldaý kórsetip, memleketaralyq jáne medısınalyq týrızm salasyndaǵy yntymaqtastyqty bekemdeýge umtylyp otyr.

Qomaqty gýmanıtarlyq tapsyrý rásimi Koreıa Respýblıkasynyń Bas Konsýldyǵy ǵımaratynda ótip, oǵan Koreıa Respýblıkasynyń Bas Konsýly Kım Hyng Sý men Koreıanyń Ulttyq týrızm uıymynyń Almatydaǵy О́kildiginiń dırektory Song Phıl Sang, al Qazaqstan tarapynan Ulttyq saraptama ortalyǵynyń jetekshisi Altaı Amanbaev qatysty.

Gýmanıtarlyq kómekti tapsyrý barysynda Koreıa Respýblıkasynyń Bas Konsýly Kım Hyng Sý myrza jahandyq pandemııa kesirinen qanshama adamdar qurban bolǵanyn jáne orasan materıaldyq shyǵyn shegip otyrǵanymyzdy atady. Kım Hyng Sý myrza dál osyndaı kúrdeli kezeńderden ótý úshin memleketterdiń bir birine degen qamqorlyǵy men kómegi burynǵydan da kókeıkesti sıpatqa ıe bolyp otyrǵandyǵyn atady.

Al Qazaqstan men Koreıa medısına salasyndaǵy strategııalyq áriptester bolyp tabylady. Sol sııaqty Koreıa pandemııamen tıimdi kúreste búkil álemge úlgi bola bildi. Sondyqtan da bul el indetpen kúreste budan ári qaraı da Qazaqstanǵa qoldaý kórsetip, koreı tehnologııalarymen jáne tájirıbesimen bólisýge nıetti ekendigin bildirip otyr.

 

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar