Parlament • 14 Tamyz, 2020

Senatorlar onlaın-kezdesý ótkizdi

14 ret kórsetildi

Búgin Parlament Senaty Halyqaralyq qatynastar, qorǵanys jáne qaýipsizdik komıtetiniń depýtattary koronavırýs pandemııasy kezinde halyqty dári-dármekpen qamtamasyz etý jáne gýmanıtarlyq kómekti bólip, taratý máselesi boıynsha densaýlyq saqtaý, syrtqy ister, qarjy mınıstrlikteriniń jáne taǵy basqa múddeli vedomstvolardyń basshylarymen vıdeo-konferensııa formatynda kezdesý ótkizdi. Bul týraly Egemen.kz QR Parlamenti Senatynyń baspasóz qyzmetine  silteme jasap habarlady. 

Memleket basshysy Qasym-Jomart Toqaev 10 shildede ótken Úkimettiń keńeıtilgen otyrysynda indettiń Qazaqstanǵa tıgizgen zardabynyń sebepterine toqtalyp, onyń aldyn alýdyń naqty sharalaryn anyqtap bergen bolatyn.

Soǵan oraı búgingi kezdesýge qatysýshylar alda turǵan mindetterdi birlesip iske asyrý jóninde pikir almasyp, óz oılaryn ortaǵa saldy.

Syrtqy ister mınıstri Muhtar Tileýberdi, densaýlyq saqtaý mınıstri Alekseı Soı jáne birinshi qarjy vıse-mınıstri Berik Sholpanqulov osy baǵytta atqarylǵan jumystar boıynsha baıandama jasady.

Is-sharaǵa qatysqan Senat Tóraǵasynyń orynbasary Asqar Shákirov qazirgi tańda depýtattar jumystaryn óńirlerde jalǵastyryp jatqanyn, bul óz kezeginde elimizde qalyptasqan ahýaldy naqty baǵalaýǵa múmkindik beretinin tilge tıek etti.

Kezdesý barysynda Densaýlyq saqtaý mınıstrliginiń basshylyǵyna qaratyp basqa vedomstvolarmen jáne óńirlermen tyǵyz baılanysta jumys isteý kerektigi aıtyldy. О́ıtkeni áli kúnge deıin dári-dármekti jóneltýde, ásirese, shalǵaı aýdandarǵa jetkizýde keshigý jaıttary jáne olardyń baǵasyna qatysty máseleler tirkelýde. Bul halyqtyń narazylyǵyn týdyratyn jaǵdaı. Osyǵan oraı «SK-Farmasııa» JShS-nyń bastamasymen qurylatyn tıisti jumys tobyna Parlament depýtattaryn qosý usynyldy. Sondaı-aq, atalǵan topqa azamattyq qoǵamnyń bilikti ókilderin qosý máselesi de sóz boldy. Senatorlardyń sózine qaraǵanda, bul baǵyttaǵy jumystar barynsha ashyq ári baqylaýda bolýǵa tıis.

1

Sonymen qatar Senat depýtattary Densaýlyq saqtaý mınıstrligi óńirlerdi qajetti perparattarmen qamtamasyz etý máselesi boıynsha naqty málimetterdi bilip qana qoımaı, bul úderisti tyńǵylyqty jáne kúndelikti monıtorıng júrgizý arqyly úılestirý kerektigine de nazar aýdardy. Dárihanalardyń kóterme-bólshek jelileriniń jumysyn jolǵa qoıýǵa, onyń ishinde baǵa máselesine erekshe kóńil bólindi.

Sonymen qatar kezdesýde shet memleketterden kelgen gýmanıtarlyq kómekti qabyldaý, bólý jáne qajettilikke qaraı olardyń quramy keńinen talqylandy. Bul másele boıynsha elimizdiń syrtqy ister mınıstrligimen úılesimdi jumys isteý usynyldy.

Odan bólek, is-sharaǵa qatysýshylar pandemııamen kúres kezinde halyqqa kórsetiletin volonterlik kómektiń aıasyn keńeıtý jáne soǵan baılanysty qazirgi normatıvtik-quqyqtyq bazany jetildirý máselelerin talqylady.

Senat depýtattary derti asqynǵan jandarǵa (sozylmaly, onkologııalyq, júrek aýrýlary jáne t.b.) kórsetiletin medısınalyq kómekti qalpyna keltirýdiń de mańyzdy mindet ekenin nazardan tys qaldyrmady. Mundaıkómektiń deńgeıi indetke baılanysty sońǵy aılardaaıtarlyqtaı tómendegeni belgili.

«Senat depýtattary densaýlyq saqtaýǵa qatysty máselelerdi baqylaýda ustap otyr jáne árdaıym qajetti kómek kórsetýge daıyn. Azamattardyń ómirine qaýip tóndirgen aýyr jaǵdaıdan keıin de bir aı ýaqyt ótti. Endi qaıtyp ondaı olqylyqtarǵa jol berýge bolmaıdy», – dedi Joǵarǵy Palatanyń vıse-spıkeri Asqar Shákirov.

Kezdesý nátıjesinde, depýtattardyń óńirlerdegi saparlary jalǵasyp jatqany eskerilip, qatysýshylar aldaǵy ýaqytta birlese jumys isteý jóninde ortaq mámilege keldi. Atalǵan is-sharaǵa senatorlar Qaırat Qojamjarov, Dana Nurjigitova jáne Nurjan Nursıpatov qatysty.

 

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar