Keshe Astanada elimiz dárigerleri men emdelýshilerine «Dariger» atty alǵashqy tegin mobıldi qosymshanyń tanystyrylymy ótti. Atalǵan ıgi bastamaǵa Beeline kompanııasy qoldaý bildiripti.
Keshe Astanada elimiz dárigerleri men emdelýshilerine «Dariger» atty alǵashqy tegin mobıldi qosymshanyń tanystyrylymy ótti. Atalǵan ıgi bastamaǵa Beeline kompanııasy qoldaý bildiripti.
«Dariger» qosymshasynyń arqasynda dárigerler mindetti aqparatqa tegin kiredi, al, emdeý mekemeleriniń ákimshiligi dıagnoz qoıý men emdeýdiń normatıvtik qujattarǵa sáıkestigin baqylaı alady. Sondaı-aq, mobıldi qosymsha emdelýshilerdiń medısınalyq qyzmetterden árdaıym habardar bolýyna jol ashyp otyr. Mundaı jobalardyń aýmaǵy úlken, halqy ártúrli tyǵyzdyqta ornalasqan, shalǵaı jatqan eldi mekenderi kóp elimiz úshin mańyzy zor, deıdi Densaýlyq saqtaý mınıstrligi Elektrondy densaýlyq saqtaý joldaryn damytý departamenti dırektorynyń mindetin atqarýshy Beıbit Esenbaev.
«MedElement» kompanııasynyń bas dırektory Vıtalıı Ermolenko bul qosymshanyń dárigerlerge ǵana emes bolashaq mamandyq ıeleri – stýdentterge de paıdaly ekenin aıtady. Onyń paıymdaýynsha, Beeline arqyly kez kelgen adam mańyzdy da qajetti aqparatqa qol jetkize alady.
Ábdirahman QYDYRBEK,
«Egemen Qazaqstan».
