Aımaqtar • 14 Tamyz, 2020

Jambylda sáıgúlik mingen polıseıler biraz qylmystyń jolyn kesti

34 ret kórsetildi

Qazaqstandyq polısııa bólinisterinde birde jolsyz jermen, birde qıyn ótimdi jáne ótýge bolmaıtyn ýchaskelerdi patrýldeýde sáıgúlikke salt mingen tártip saqshylary tıimdi jumystar atqarýda. Bul týraly Jambyl oblystyq polısııa departamentine silteme jasaı otyryp Egemen.kz habarlaıdy.

Jambyl oblysynyń Polısııa departamentinde Taraz qalasynyń Polısııa basqarmasy patrýldik polısııa batalonynyń quramyna kiretin óziniń atty  jasaǵy bar. Onda ázirge 12 polıseı qyzmet atqarady, olardyń árqaısysynyń qyzmettik jylqylary bar.

"Bizdiń patrýldeý baǵyttarymyz  negizinen qalanyń avtokólik júre almaıtyn, ótýi qıyn shet aımaqtary  boıynsha ótedi. Bul qamys basqan ózender men sý qoımalarynyń janyndaǵy aýmaqtar, qaraýsyz qalǵan saıajaı massıvteri nemese quqyq buzýshylar jıi jasyrynyp júretin basqa da shalǵaı aýmaqtyq ýchaskeler", dep túsindirdi Taraz qalasy  PB patrýldik polısııa batalonynyń kavalerııalyq bólimshesiniń komandıri Rafhat Faızrahmanov.

At ústindegi polıseılerdiń negizgi mindeti-quqyqqa qaıshy qoǵamdyq áreketterdiń aldyn alý  jáne jolyn kesý. Aıta keterligi, Jambyl oblysynyń PD atty polısııasy qylmys ashylýynyń 100% kórsetkishine ıe. Bul elimizdiń basqa óńirlerindegi osyndaı bólinisterdiń arasyndaǵy eń úzdik nátıje.

Jyl basynan beri  olardyń  tarapynan 11  qylmys oqıǵasy ashyldy, onyń ishinde kisi óltirý, urlyq, tonaý, esirtki zattaryn qoldanǵan adamdardy ustaý, atty polıseıler  3460 adamdy jeke basyn anyqtaý úshin, 92 azamatty ákimshilik quqyq buzýshylyq  jasaǵany úshin polısııa bólimine jetkizdi. Osyndaı jumystyń  nátıjesinde  qylmys sanyn azaıtýǵa  qol jetkizildi.

Árıne, jaqsy kórsetkishter – polıseılerdiń ǵana emes, sondaı-aq belgili bir daıyndyqtan ótip jatqan olardyń adal kómekshileriniń de eńbegi. Jylqylarǵa túrli dybystar men sıgnaldardan, kez-kelgen tehnıkadan, avtokólikterden qoryqpaý, ashyq buqaralyq is-sharalarda kópshiliktiń shýylynan, ártúrli qurylys nysandary arqyly qozǵalý daǵdylaryn úıretedi. Atty polısııanyń jylqylary uzaq jyldar boıy otrıadta qyzmet etýde. Jylqylardyń kútimine, tazalyǵyna da polısııa qyzmetkeri jaýap beredi.

Jumysqa qabyldaý kezinde qyzmetkerler de mindetti túrde atpen salt júrý daǵdylaryna ıe bolýy kerek. Jyl saıynǵy aımaqtyq áskerı oıyndarǵa qatysa otyryp, jylqylar árdaıym laıyqty nátıje kórsetýde. Olardyń árqaısysy mekemeniń jáne jergilikti atqarýshy organdardyń nagradalarymen marapattalǵan.

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar