“Dármek” jedel-profılaktıkalyq is-sharasynyń nátıjeleri osyndaı. Reıd júrgizý barysynda 280 astam sharýashylyq júrgizýshi sýbekt tekserildi. Belgili bolǵanyndaı 40 jýyq sýbekt quramynda esirtki zattar bar medısınalyq preparattardy satý jáne saqtaý erejelerin buzǵan, eki dárihana farmasevtıkalyq qyzmetin zańsyz júrgizgen. QR IIM Esirtki qylmysyna qarsy is-qımyl departamenti quramynda esirtki jáne psıhotropty zattar bar dárilik quraldardyń satylýyn muqııat qadaǵalaıdy. Bundaı preparattar beıindi mamandarda esepte turǵan adamdarǵa qatań resept boıynsha ǵana satylýy tıis. 36 dárihanada anyqtalǵan osyndaı preparattardy satýdy tártibin buzý derekteri boıynsha materıaladar provızorlardy ákimshilik jaýapkershilikke tartý úshin densaýlyq saqtaý organdarynyń aýmaqtyq farmasevtıkalyq baqylaý bólinisterine joldandy.
Barlyǵy 44 adam ákimshilik jaýapkershilikke tartyldy. Qylmystyq Kodekstiń (Esirtki quraldardy qoldaný erejelerin buzý) 303-baby boıynsha eki qylmystyq is qozǵaldy. Ol bap boıynsha úsh myń AEK deıin aıyppul, túzeý jumystary, nemese úsh jylǵa deıin bas bostandyǵyn shekteý nemese aıyrý, nemese sol merzimge farmasevtıkalyq qyzmetpen aınalysý quqyǵynan aıyrý túrinde jaza kózdelgen.
