Aımaqtar • 14 Tamyz, 2020

Nur-Sultanda nóser kárizderinde zańsyz jalǵanǵan baılamdar anyqtaldy

15 ret kórsetildi

Nur-Sultan qalasynda nóser kárizderindegi zańsyz jalǵanǵan baılamdar men olarǵa óndiristik, turmystyq qaldyqtardy tógýdi anyqtaý jalǵasýda. Jeke úılerdiń, keńselerdiń jáne basqa ǵımarattardyń ıeleri kóbine óz nysandary kárizinen qoqysty nóserli sý júıesine aǵyzyp jiberedi. Osylaısha nóser men kárizdi tazartý qondyrǵylarynyń jumysyn aýyrlatady. Zańsyz baılamdar Ońtústik Shyǵys, Agroqalashyq, Kóktal turǵyn alaby, Artem bazarynyń aýmaǵynan jáne basqa da jeke sektorlardan anyqtalýda.

Reıd barysynda 40 zań buzýshylyq derek anyqtaldy. «Han Shatyr» saýda oıyn-saýyq ortalyǵy men kóshe boıyndaǵy nóser kárizi jelisine kárizdi tógýdiń 2 jaǵdaıy tirkeldi. Hýseın ben Talal kóshesinde birneshe ret buzýshylyq derekteri tirkeldi. Nátıjesinde zań buzýshylar ákimshilik jaýapkershilikke tartylyp, jalpy somasy 220 myń teńgeden astam aıyppul salyndy.

Aǵyndy sýlardy, turmystyq qaldyqtardy, qurylys qaldyqtaryn jáne basqa da qospalardy ruqsatsyz aǵyzý sorǵylardy bitep tastaıdy. Nóser sýlaryn tazartý qondyrǵylarynyń arnaıy súzgileri tek jańbyr, erigen jáne jer asty sýlaryna arnalǵan, biraq turmystyq jáne káriz aǵyndy sýlaryn sorýǵa arnalmaǵan. «Elorda Eco System» kommýnaldyq kásipornymen birlesip reıdter turaqty negizde júrgiziledi.

Qala kóshelerin sý basýdyń aldyn alý úshin nóser kárizderi men tazartý qondyrǵylarynyń 3 úlken qurylysy júrýde. Iri jobalardyń biri – Jastar shaǵyn aýdanynda tazartý qondyrǵylarynyń qurylysy (Tashenov pen Amman kósheleriniń qıylysy). Bul Tashenov, Baraev, Ýálıhanov, Imanbaev kósheleri men Respýblıka dańǵylyn sý basýdyń aldyn alady. Joba 2021 jyly tolyǵymen aıaqtalady.

Aldaǵy kúzde B.Momyshuly kóshesiniń problemalyq ýchaskesinde basty nóser káriz kollektorynyń qurylysy aıaqtalýda (Daýylpaz kóshesinen Elim-aı kóshesine deıin).

Osy jyldyń sońyna deıin Telman turǵyn alabynda tazartý qondyrǵylary men basty kollektor salý boıynsha jumystar aıaqtalady. Syıymdylyǵy táýligine 36 myń tekshe metrden asady. Jobany iske asyrý Telman turǵyn alabyn, № 27 kóshe boıyndaǵy perspektıvti damý aımaǵy jáne t.b. jer ústi aǵyndaryn tartýǵa múmkindik beredi.

2019 jyly Myńjyldyq alleıasy aýdanyndaǵy eki ýchaskede nóser kárizderi máselesi sheshildi.

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar