Jol-kólik oqıǵasy 00 saǵat 10 mınýt shamasynda Beskól kenti mańyndaǵy Nur-Sultan – Petropavl avtojolynyń 44 shaqyrymynda bolǵan. 40 jastaǵy júrgizýshiniń ózi zardap shekken joq, tek mashınasyna zaqym kelip, ony evakýasııalaý úshin arnaıy tehnıka shaqyrtýǵa týra keldi. Janýar oqıǵa ornynda jan tapsyrdy. «Osyndaı jaǵdaı bolyp turady, - deıdi SQO PD patrýldik polısııa batalonynyń komandıri polısııa podpolkovnıgi Erlan Madıev. – Júrgizýshilerge ásirese túngi ýaqytta jolda qyraǵylyq tanytyp, jyldamdyq rejimin saqtaý qajettiligin eskertemiz.Kóliktiń jaryǵynan ótip ketpek bolǵan janýarlar sasqalaqtap qalady. Ásirese, orman mańyndaǵy joldarda abaı bolý kerek. Mysaly, SQO-da Toqshyn, Asan, Polýdın aýyldarynyń mańyndaǵy Chelıabi-Novosibir, Chırıkovka aýlynyń janyndaǵy Petropavl-Jezqazǵan joldarynda saq bolǵan jón».
Bıyl SQO-da osyndaı eki jol-kólik oqıǵasy tirkelgen. Eki jaǵdaıda da jolda kele jatqan kólikterdiń aldynan elikter shyǵa kelgen. Sondaı-aq, polıseıler qańǵyryp júrgen maldardyń da avtomobılıster úshin qaýip tóndiretinin eskertedi.
Soltústik Qazaqstan oblysy
