Oblystyq polısııa departamenti baspasóz qyzmetiniń aqparatyna qaraǵanda, 12 tamyzda saǵat 23:10 shamasynda «Atyraý-Astrahan» baǵytyndaǵy jolda janarmaı tasıtyn «KamAZ» kóligi aýdarylǵan. Júrgizýshisi Isataı aýdanyndaǵy Aqsaı ózegi ústinen salynǵan kópirge kelgende rýlge ıe bola almaı qalǵan. Sebebi...
«Aýdarylǵan «KamAZ» kóliginiń júrgizýshisi alkogoldik ishimdik iship, mas kúıinde rýlge otyrǵan. Ol –Qyzylqoǵa aýdanyndaǵy Saǵyz selosynyń 32 jastaǵy turǵyny. Júrgizýshige qatysty QR Ákimshilik quqyqbuzýshylyq týraly Kodekstiń 608-babymen ákimshilik hattama toltyryldy. Quqyq buzýshy Isataı aýdandyq sotynyń qaýlysymen 8 jylǵa kólik júrgizý quqyǵynan aıyrylyp, 20 kúnge ákimshilik qamaýǵa alyndy» -dep habarlady departamenttiń baspasóz qyzmeti.
