Aımaqtar • 14 Tamyz, 2020

Bıyl qostanaılyq eriktilerdiń kómegimen iz-túzsiz ketken 30 adam tabyldy

11 ret kórsetildi

Qostanaılyq eriktilerden quralǵan «Dos» izdeý jasaǵy qoǵamdyq tártipti saqtaýǵa jáne habar-osharsyz ketken azamattardy izdestirýge belsendi atsalysyp keledi. Polısııa departamenti taıaýda olardy aqshalaı syıaqymen marapattaǵan edi. Eriktiler ol qarjyǵa kókten baqylaý júrgizetin arnaıy qurylǵy satyp aldy.

- Biz eriktilermen táýlik boıy baılanystamyz. Olar habar-osharsyz ketken adamdardy izdeýge tún ortasynda qosylǵan jaǵdaılar boldy. Kóbine qoǵamdyq tártipti qamtamasyz etýge qatysady, bizben birge júrip turǵyndarǵa karantındik sharalardy saqtaýdyń mańyzdy ekenin túsindiredi, - deıdi Marat Sahratov.

Jyl basynan beri aımaqta iz-túzsiz ketken 30-dan astam adam eriktilerdiń kómegimen tabylyp otyr. Polısııa departamentiniń basshylyǵy qoǵamdyq tártip kúzetine belsendi atsalysqan úzdik eriktilerdi toqsan saıyn aqshalaı kótermelep otyrýdy kózdep otyr. Búginge deıin tártip saqshylary 14 adamǵa aqshalaı syıaqy tabys etken. Polıseılerdiń aıtýynsha, mundaı tájirıbe áli de jalǵasatyn bolady.

- «Dos» eriktiler jasaǵynda eki júzge jýyq adam bar. Deni – jastar.

Biz polısııa bergen aqshaǵa buǵan deıin rasııa, jılet, taǵy da basqa qajetti quraldardy satyp alǵanbyz. Endi, mine, kezekti syıaqyǵa kópten beri qol jetkize almaı júrgen kókten baqylap, beınetaspaǵa jazatyn ushqysh dron satyp alyp otyrmyz. Bul iz-túzsiz ketkenderdi izdestirý kezinde taptyrmaıtyn qurylǵy, - deıdi eriktiler jasaǵynyń úılestirýshisi Olesıa Logoshınovskaıa.

 

Qostanaı oblysy

 

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar