Aımaqtar • 14 Tamyz, 2020

Turmysy tómen 259 ata-ana ıývenaldyq polısııada esepte tur

23 ret kórsetildi

SQO-nyń ıývenaldyq polıseıleri jazǵy demalys kezeńinde qylmystar men quqyq buzýshylyqtardyń aldyn alý boıynsha jumys júrgizip, jańa oqý jylyna daıyndalýda. 

Pandemııa kámeletke tolmaǵandardyń isteri jónindegi ınspektorlardy jazǵy demalys kezinde jasóspirimder arasyndaǵy qylmystar men quqyq buzýshylyqtardy eskertý boıynsha jumysqa jańasha qaraýǵa májbúrledi. Olar pedagogtarmen birge onlaın-dáristerge, tikeleı efırlerge qatysa otyra, kúnde keshke reıd júrgizedi. Offlaın jáne onlaın rejimindegi jumys teń dárejede júrgiziledi: ınspektorlar reıdterden bólek, áleýmettik jelilerde profılaktıkalyq jumysdy da qolǵa alǵan. Máselen, Petropavl qalasy Polısııa basqarmasy ıývenaldyq polısııa bólimshesiniń qyzmetkerleri jaz boıy birqataraksııa men is-sharalardy ótkizdi. Polıseıler qalanyń yqsham aýdandaryn aralap, balalar men ata-analarǵa jazdy qaýipsiz ótkizý joldary týraly jadynamalardy taratty; balalar eńbegin paıdalaný faktilerin eskertý boıynsha reıdter júrgizip, balalarǵa ózderin sýda qalaı ustaý kerektigin túsindirdi, TJ qyzmetkerlerimen birge jaǵajaılardy tekserdi.

«Túngi qaladaǵy balalar», «Balalar eńbegin paıdalanýǵa qarsy 12 kún», balalardyń joldaǵy, sýdaǵy, keshki ýaqyttaǵy qaýipsizdigin qamtamasyz etý boıynsha reıdterjyl basynan oblys boıynsha 67 lokaldy tekseris jáne 516 reıd júrgizildi. Is-sharalarǵa eriktiler men barlyq múddeli organdardyń ókilderi belsendi qatysty, - dep atap ótti SQO PD bastyǵynyń birinshi orynbasary polısııa polkovnıgi Qanat Aıtbaev.

Iývenaldyq polısııa jelisi boıynsha jylbasynan 1938 quqyq buzýshy anyqtalyp, jaýapqa tartylǵan. Tek oblys ortalyǵynda kámeletke tolmaǵandardyń zańdy ókilderiniń erip júrýinsiz túngi ýaqytta úıden tys júrgeni úshin 287 quqyq buzýshy jaýapqa tartyldy. Túrli buzýshylyqtar úshin 109 kámeletke tolmaǵan, sondaı-aq 160 qolaısyz otbasy esepke qoıyldy. Qazirgi ýaqytta SQO-da polısııa esebinde 259 ata-ana tur, olarmen profılaktıkalyq jumys júrgizilýde.

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar