Aımaqtar • 14 Tamyz, 2020

Almaty oblysynda sýarmaly sýmen qamtamasyz etý boıynsha qarqyndy jumys júrgizilýde

22 ret kórsetildi

Sý az bolǵanyna qaramastan, "Qazsýshar" mamandary jergilikti jerlerde barlyq qajetti sharalardy qabyldap, sharýa qojalyqtarynyń alqaptaryn sýarý máselesi jedel sheshimin tabýda.

Mysaly, bıyl Balqash kóliniń basty sý arterııasy Ile transshekaralyq ózeniniń sý deńgeıiniń tómendiginen Qapshaǵaı qalasynyń halqy Sheńgeldi sýarý alqabynyń aýyz sýymen jáne sýarmaly sýmen, sondaı-aq Balqash aýdanynyń  sýarmaly jerlerimen qamtamasyz etý boıynsha kúrdeli jaǵdaı boldy. Osy máseleni sheshý úshin «Qazsýshar» RMK-nyń Almaty fılıaly sharýa qojalyqtarynyń jerlerin sýarý úshin uzyndyǵy 1,5 km qosymsha jetkizýshi kanal-qubyryn saldy. Nátıjesinde Sheńgeldi alqabyn qazir sýarmaly sýmen úzdiksiz qamtamasyz etý júrgizilýde.

Sonymen qatar Taldyqorǵanda sýarý jelileriniń  qurylysy júrip jatyr, jyl sońyna deıin jobany aıaqtaý josparlanýda. Merdiger – «Monolıt» JShS.

Oblysta sýarý jaǵdaıyn jaqsartý boıynsha basqa da jumystar júrgizilýde.

Máselen, búgin oblystyń Aqsý aýdanynda Islam Damý Bankiniń qoldaýymen sýarý jelilerin qaıta qurý jumystary júrgizilýde, osyny aıaqtaýdy kelesi jylǵa josparlap otyr. Merdiger – «Tamas» JShS. Jobalyq arnalardyń jalpy uzyndyǵy 633 km quraıdy. Aqsý aýdanynyń 8 aýyldyq okrýginde, onyń ishinde Jansúgirov, Qapal aýyldaryndaǵy Dol kanalynda jumys júrgizilýde.

Aqsý aýdanynda sondaı-aq Qyzylaǵash ózenindegi sý qoımasy, sý jınaý toraby jáne magıstraldyq kanaldyń jumysy qaıta qurylyp, tolyq qalpyna keltirilgenin atap ótemiz. Bógetten Qyzylaǵash aýylynyń egistigine sý beriledi, bul 700 ga sýarmaly jerdiń sýarý máselesin sheshti. Sý qoımasyna 20 mln tekshe metr sý jınaldy, dep habarlady «Qazsýshar» RMK-nyń Almaty fılıalynyń dırektory Smaıyl Kýmetov. Sondaı-aq Qyzylaǵash alqabynda taǵy da 7 myń gektar jerdi sýarmaly sýmen qamtamasyz etetin  sýarý jelilerin  salýdyń jańa jobasy ázirlendi. Osynyń arqasynda Qyzylaǵash aýyldyq okrýgindegi sharýa qojalyǵynda  taǵy  200  adam jumys jasaı alady.

Budan basqa Kóksý bógetinde Kóksý ózeninde aspaly sýarmaly jerlerdiń qurylys-montaj jumystary júrgizilýde, sebebi 1963 jyly paıdalanýǵa berilgen ýaqyttan beri munda birde- bir ret kúrdeli jóndeý jumystary júrgizilgen joq. Merdiger - «Temirbeton» JShS Joba Jol kartasy sheńberinde júzege asyrylýda, bul jumys jobasyn bıyl aıaqtaý josparlanýda.

Sondaı-aq Panfılov aýdanyndaǵy Úsek ózenindegi sýtorabyn qaıta jańartý (rekonstrýksııalaý) jumystary júrgizilýde. Joba Jol kartasy sheńberinde júzege asyrylýda jáne aǵymdaǵy jyly aıaqtaý josparlanyp otyr.

Jaqynda sý paıdalaný bóliminiń mamandary Uıǵyr aýdanyna baryp, barlyq jerdegideı bul jerde de bıyl sýarý kózi bolyp tabylatyn  Sharyn ózenindede sý azdyǵy baıqalady. Bul jerde sýdy tıimdi paıdalaný boıynsha sheshim qabyldaý úshin sýbeketterin jáne sý kanaldarynyń  jaı-kúıin tekserý júrgizildi.

Jalpy bıylǵy jyly oblys turǵyndaryn sýarmaly sýmen ýaqtyly qamtamasyz etý úshin «Qazsýshar» RMK fılıaly bas qurylystardy, gıdrometrııalyq beketterdi saldy jáne arnalardy mehanıkalyq tazartýdan ótkizip keıbir jerlerdi betondap jáne túbin qaptaý jumystaryn, sondaı-aq Eskeldi, Alakól, Qaratal, Aqsý, Uıǵyr jáne Panfılov aýdandaryndaǵy kanaldardy jóndeý jumystaryn júrgizdi. Bul óńirde birneshe myń gektar alqapty sýlandyrýdy jaqsartýǵa múmkindik berdi.

Sondaı-aq «Qazsýshar» RMK sýdy sandyq esepke alýdy túpkilikti  tutynýshyǵa jetkizý máselesin pysyqtaýda. Basynda pılottyq iske qosý jáne tehnologııalardy synaqtan ótkizý josparlanýda, bul rette osyndaı eseptegishter úshin basty talap-olardyń derbestigi jáne derekterdi qashyqtyqtan berý.

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar