Bul kúnde elimizdiń barlyq óńirlerindegideı Qaraǵandy aımaǵynyń jurtshylyǵy arasynda da «Nur Otan» partııasynyń kezekten tys HV sezinde alǵa qoıylǵan mindet-maqsattar keńinen talqylanýda. Oblystyq fılıaly Saıası keńesiniń keńeıtilgen májilisi sonyń birinshi sharasy bolyp, partııa belsendileri basqosýymen ótti.
Bul kúnde elimizdiń barlyq óńirlerindegideı Qaraǵandy aımaǵynyń jurtshylyǵy arasynda da «Nur Otan» partııasynyń kezekten tys HV sezinde alǵa qoıylǵan mindet-maqsattar keńinen talqylanýda. Oblystyq fılıaly Saıası keńesiniń keńeıtilgen májilisi sonyń birinshi sharasy bolyp, partııa belsendileri basqosýymen ótti.
Onda onyń tóraǵasy Baýyrjan Ábdishev «Nur Otan» partııasynyń kezekten tys HV seziniń qorytyndylary jáne oblystyq uıymnyń mindetteri» taqyrybynda baıandama jasady. Aımaq basshysy óz sózinde atap ótkendeı, óńirdiń áleýmettik-ekonomıkalyq damýy qaryshty qadamyn saqtap keledi. Jyl basynan ónerkásiptik óndiris kólemi 1 trln. teńgeni qurap, byltyrǵy jyldyń sáıkes merzimimen salystyrǵanda 1 paıyzǵa artýy, ındýstrııalandyrý kartasy aıasynda 46 jobanyń iske qosylyp, 3,5 myń jańa jumys ornynyń ashylýy soǵan naqty mysal retinde keltirildi. Baýyrjan Túıteuly, sondaı-aq, oryn alyp otyrǵan olqylyqtar men kemshilikterdi de ashyp aıtyp, túıindi máselelerdi sheshýge talap kúsheıtile túspektigine nazar aýdartty. Osy oraıda oblystaǵy 516 bastaýysh partııa uıymyna birikken 100 myńǵa jýyq nurotandyqtyń alǵa qoıylǵan bıik mindetterdi iske asyrýǵa, Elbasynyń partııa múshelerine júktegen jaýapkershiliktiń joǵary úlgisin tanytýǵa belsendilikti beriktirýge úndedi.
Jıynda Qazaqstan halqy Assambleıasynyń múshesi, oblystyq «Lıtýanıka» lıtvan etnomádenı birlestiginiń tóraǵasy Vıtalıı Tvarıonas, oblystyq máslıhattaǵy «Nur Otan» partııasy depýtattyq fraksııasynyń jetekshisi Asqar Sársekenov, partııa seziniń delegaty Bıbigúl Sekerbekova, «Jas Otan» jastar qanatynyń múshesi, Jáırem ken baıytý kombınatynyń ekonomısi Maksım Entalsev sóz sóılep, partııanyń jańa Doktrınasy qoǵamnyń damýyna tyń serpin beretindigin atady.
Aıqyn NESIPBAI,
«Egemen Qazaqstan».
QARAǴANDY.
