Aımaqtar • 14 Tamyz, 2020

Bıyl Almaty oblysynda 8 jańa mektep paıdalanýǵa beriledi

21 ret kórsetildi

Bıylǵy jyly memleket qoldaýynyń arqasynda Almaty oblysynda 32 bilim nysanynyń qurylysy júrýde. Sonyń 23-i mektep, 4-eýi – jataqhana. Bul týraly Egemen.kz Almaty oblysy ákiminiń baspasóz qyzmetine silteme jasap habarlaıdy.

Sonymen qatar "Jumyspen qamtý jol kartasy" sheńberinde jalpy somasy 27 mlrd teńge bolatyn 1500 oryndyq  taǵy 6 mekteptiń qurylysy josparlanǵan. Taldyqorǵanda 288 oryndyq jataqhana, Qarasaı aýdany Áıteı aýylynda 1200 oryndyq mektep, Kegen aýdany Saty aýylyndaǵy A.Túrkebaev atyndaǵy mekteptiń sport jáne májilis zaldary men as ázirleıtin bóliginiń qurylysy aıaqtaldy.

Aldaǵy 1 qyrkúıekte 6 mektep iske qosylady. Atap aıtqanda, bular - jalpy ornynyń sany 2600 bolatyn Jambyl aýdany Jaısań aýylyndaǵy, Ile aýdany Túımebaev aýylyndaǵy, Qarasaı aýdany Shamalǵan stansasy men Áıteı aýylyndaǵy, Kerbulaq aýdany Qosaǵash aýylyndaǵy, Kóksý aýdanynyń Qyzyltoǵan aýylyndaǵy mektepter. Al sońyna deıin taǵy 480 oryndyq 2 mektep – Jambyl aýdany Qasymbek aýylyndaǵy jáne Eskeli aýdanynyń Abaı aýylyndaǵy mektepter paıdalanýǵa berilmek. Sóıtip, bıylǵy jyly 8 jańa mektep balalardyń ıgiligine usynylatyn bolady. 

2020 jyly "Jumyspen qamtý jol kartasy" jáne "Aýyl-el besigi" baǵdarlamalary aıasynda jáne jergilikti bıýdjetten jalpy somasy 23,9 mlrd. teńgege 55 bilim nysanynda kúrdeli jóndeý júrgizilýde. Onyń 42-si - mektep, 2 – kolledj, 5- balabaqsha, 1 - OО́K, oǵan qosa 5 mekteptiń aýlasy abattandyrylyp, sport jáne balalar alańdary ashylady. Bilim nysandaryndaǵy kúrdeli jóndeý jumystary 30 tamyzǵa deıin aıaqtalady dep josparlanǵan.

"Jumyspen qamtý jol kartasyn" júzege asyrý nátıjesinde mektep ishindegi dárethanalardyń máselesi sheshildi. Jalpy 347 mekteptiń dárethanasy ǵımarat ishine ornatylady. Búgingi kúnge 131 mektepte bul jumystar aıaqtalǵan.

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar