Elimizdiń HHI ǵasyrdaǵy damý múmkindigin aıqyndaıtyn «Qazaqstan-2050» Strategııasyn tıimdi iske asyrý jolyndaǵy «Nur Otan» partııasynyń róli jańa Saıası doktrınada aıqyn kórinis tapqan. Doktrına – Memleket basshysynyń strategııalyq bastamalaryn saıası qoldaýǵa jáne ıdeologııalyq súıemeldeýdi qamtamasyz etýge baǵyttalǵan keshendi damytý jospary. Ol Qazaqstannyń taǵdyryna jaýapkershilik alýǵa qabiletti, el azamattarynyń basym kópshiligine jaqyn jáne túsinikti ıgi maqsattardy qoldaıtyn barlyq kúshterdi biriktirý ıdeıasyna negizdelgen. Onda partııanyń ádiletti áleýmettik saıasatynyń negizi – árbir adamnyń ózin ózi damytýyna, turmysyn jaqsartýyna azamattardyń sapaly medısınalyq kómekke qol jetkizýine baılanysty máseleler naqty belgilengen. Adamnyń ómir súrý deńgeıin jaqsartý – bul, eń aldymen, medısınalyq qyzmet kórsetýdiń qoljetimdiligi men sapasyn arttyrýǵa, salamatty ómir saltyn qalyptastyrýǵa baılanysty ekeni belgili.
Elimizdiń HHI ǵasyrdaǵy damý múmkindigin aıqyndaıtyn «Qazaqstan-2050» Strategııasyn tıimdi iske asyrý jolyndaǵy «Nur Otan» partııasynyń róli jańa Saıası doktrınada aıqyn kórinis tapqan. Doktrına – Memleket basshysynyń strategııalyq bastamalaryn saıası qoldaýǵa jáne ıdeologııalyq súıemeldeýdi qamtamasyz etýge baǵyttalǵan keshendi damytý jospary. Ol Qazaqstannyń taǵdyryna jaýapkershilik alýǵa qabiletti, el azamattarynyń basym kópshiligine jaqyn jáne túsinikti ıgi maqsattardy qoldaıtyn barlyq kúshterdi biriktirý ıdeıasyna negizdelgen. Onda partııanyń ádiletti áleýmettik saıasatynyń negizi – árbir adamnyń ózin ózi damytýyna, turmysyn jaqsartýyna azamattardyń sapaly medısınalyq kómekke qol jetkizýine baılanysty máseleler naqty belgilengen. Adamnyń ómir súrý deńgeıin jaqsartý – bul, eń aldymen, medısınalyq qyzmet kórsetýdiń qoljetimdiligi men sapasyn arttyrýǵa, salamatty ómir saltyn qalyptastyrýǵa baılanysty ekeni belgili.
Oblystyń densaýlyq saqtaý salasynyń qyzmetkerleri jańa Doktrınany qyzý talqylap, ony qoldaıtyndyqtaryn bildirgen edi. Sebebi, bizdiń basty qujatymyz, «partııa konstıtýsııasy» bolyp tabylatyn atalǵan Doktrına medısına qyzmetkerlerine de úlken mindetter júkteıdi.
El Prezıdenti Nursultan Nazarbaev ult densaýlyǵyn saqtaý máselesin turaqty túrde nazarda ustap keledi. Tipti, Úkimettiń osy salaǵa basa nazar aýdaryp, qarjylandyrýdy jyldan jylǵa arttyrýǵa múmkindikter qarastyrýyn da Elbasynyń pármeni dep bilemiz. Sońǵy jyldary «Densaýlyq poıyzynyń» uıymdastyrylýy, «Salamatty Qazaqstan» baǵdarlamasynyń qabyldanýy sekildi uzaq merzimdi sharalar jemisin bere bastady. Osyǵan oraı aýrýhanalardy ýaqyt talap etip otyrǵan qural-jabdyqtarmen qamtamasyz etý, dárigerlerdiń biliktiligin arttyrý, kez kelgen derttiń aldyn alý qarqyndy júrgizilip keledi.
Jambyl oblystyq densaýlyq saqtaý basqarmasy «Salamatty Qazaqstan» memlekettik baǵdarlamasyn iske asyrý boıynsha birshama jumys atqaryp úlgerdi. Naqty mysaldarǵa júginer bolsaq, 2013 jyldyń 7 aıynda alǵashqy ret anyqtalǵan aýrýlar sany 374 139, 2012 jyldyń 7 aıynda 367 668 adam boldy. Jalpy aýrýshańdyq 2013 jyldyń 7 aıynda 100 myń adamǵa shaqqanda 35201,7 qurady. Bul kórsetkish 2012 jyldyń 7 aıynda 34592,9 bolǵan edi.
Týberkýlez aýrýshańdyǵy 100 myń adamǵa shaqqanda 46,1-den 42,2-ge, narkologııalyq aýrýshańdyq 118,0-den 96,5-ke, psıhıkalyq aýrýshańdyq 47,3-ten 38,35-ke deıin tómendedi. Arterıaldyq gıpertonııamen aýrýshańdyq 2013 jyldyń 7 aıynda 100 myń adamǵa shaqqanda 1047,57-den 2012 jyldyń 7 aıynda 928,45-ke deıin tómendedi. Týberkýlezden ólim 2013 jyldyń 7 aıynda 2012 jyldyń 7 aıyna qaraǵanda 3,5-ten 3,1-ge deıin azaıdy.
Qaterli isikten ólim kórsetkishi 50,6-dan 47,7-ge deıin, qan tamyrlary aýrýlarynan ólim kórsetkishi 100 myń adamǵa shaqqanda 229,7-den 163,1-ge kemidi. Jol-kólik apattarynan ólimdi azaıtý jáne jaraqattar kezinde medısınalyq kómekti joǵarylatý maqsatynda Almaty – Tashkent trassasy boıynda Shý qalalyq aýrýhanasy negizinde 25 tósektik aýdanaralyq travmatologııa bólimshesi ashyldy.
Budan basqa da atqarylǵan jumys az emes. Bul rette Biryńǵaı ulttyq densaýlyq saqtaý júıesi sheńberinde halyqqa kórsetilip otyrǵan medısınalyq qyzmet týraly barlyq aýdandar men shalǵaı aýyldyq eldi mekenderde túsindirý-aqparattyq jumystaryn júrgizgenimizdi de aıta ketsem deımin. Sebebi, árbir qazaqstandyq úshin basty qundylyq – óziniń densaýlyǵy ekenin túsiný áli de kemshin soǵyp otyr. «Aýyrǵannan – aýyrmaýdyń aldyn alý kerek» ekendigin uǵynatyn kez keldi. Sondyqtan, kez kelgen azamat dárigerge qulap qalǵan soń emes, aldyn ala qaralsa, erterek em qabyldasa, ózine ǵana emes, dárigerlerge de ońaı bolar edi. Al búginde kez kelgen keseldi anyqtaýǵa múmkindik kóp. Qysqasy, aýyrmaǵan adam ǵana óz otbasynan bastap qoǵamǵa deıin zor paıdasyn tıgizedi.
Elbasy qashanda áleýmettik saıasatqa, halyqtyń ál-aýqatyn arttyrýǵa jáne ómir súrý sapasyn jaqsartýǵa erekshe kóńil bólip keledi. Jańa Doktorınada da bul máselege úlken jaýapkershilikpen qaraý kózdelgen. Qazaqstandyqtar el ekonomıkasynyń ósýimen qatar, densaýlyq saqtaý júıesiniń nyǵaıýyn, al medısınalyq qyzmetterdiń meılinshe qoljetimdi ári sapaly bolýyn qalaıtyny – tabıǵı jaıt. Bul rette biz de qoǵam bolyp, memleket bolyp osy mindetti sheshý baǵytynda jumys isteýge tıispiz.
Saltanat OMARBEKOVA,
Jambyl oblysy ákimdigidensaýlyq saqtaý
basqarmasynyń basshysy.
TARAZ.
