«Nur-Sultan qalasynyń mamandandyrylǵan aýdanaralyq tergeý soty kúdikti Berik Sháripke qatysty 2 aı merzimge tutqynǵa alý túrindegi bultartpaý sharasyna sanksııa berdi», - dedi elordalyq sottyń baspasóz hatshysy Botagóz Baıanova. Buǵan deıin QR Sybaılas jemqorlyqqa qarsy is-qımyl agenttigi birinshi departamentiniń asa mańyzdy ister jónindegi tergeýshisi Danııar Bıǵaıdarov «SK Farmasııa» JShS-nyń burynǵy Basqarma tóraǵasy ustalyp, Nur-Sultan qalalyq polısııa departamentiniń ýaqytsha tergeý ızolıatoryna qamalǵanyn aıtqan edi. Memleket basshysy Qasym-Jomart Toqaevtyń tóraǵalyǵymen ótken Úkimettiń keńeıtilgen otyrysynda MÁMS qory men «SQ Farmasııa» basshylaryn jumystan shyǵarýdy tapsyrǵan bolatyn. Keıin «SQ Farmasııa» qyzmetinde tekserý bastaldy.
