Sapar barysynda karantın aıaqtalǵan soń kesenege kelýshilerdiń gıgıenalyq-sanıtarlyq saqtyq is-sharalaryn qamtamasyz etý baǵytynda atqarylǵan jumystarmen tanysty.
Qazirgi tańda kesene ishinde arnaıy eskertpe paraqshalary men araqashyqtyqty saqtaýǵa arnalǵan belgiler jáne kesene aldynda kelýshiler úshin arnaıy shatyr men oryndyqtar jáne gıgıenalyq quraldar ornatylǵan.
Qoja Ahmet Iаsaýı kesenesi men onyń mańyndaǵy tarıhı-mádenı oryndardy qaıta jańǵyrtý, zertteý jumystary da mınıstrliktiń jiti nazarynda. Osy oraıda Qoja Ahmet Iаsaýı, Esim han keseneleri men segiz qyrly saǵana jáne belgisiz saǵanany restavrasııalaý barysyn kórgen mınıstr Kúltóbe qalajurtyndaǵy arheologııalyq qazba jumystaryn pysyqtady.
Aıta keteıik, QR Mádenıet jáne sport mınıstrliginiń "Áziret Sultan" memlekettik tarıhı-mádenı qoryq-mýzeıin damytýdyń 3 jyldyq josparyna sáıkes tarıhı jandandyrý jumystary kezeń-kezeńimen júzege asyrylyp jatyr.
Aldaǵy ýaqytta Qazaqstanǵa kelgen týrıster "Áziret Sultan" qoryq-mýzeıi aýmaǵyndaǵy tarıhı oryndardy aralap qana qoımaı Kúltóbe qalajurtyndaǵy ashyq aspan asty mýzeıimen de tanysady.
