Qazaqstan Parlamenti Májilisiniń Tóraǵasy Nurlan Nyǵmatýlın bizdiń elimizge resmı saparmen kelgen Vengrııa Memlekettik jınalysynyń tóraǵasy Laslo Kıovermen kezdesti, dep habarlady osy palatanyń baspasóz qyzmeti.
Qazaqstan Parlamenti Májilisiniń Tóraǵasy Nurlan Nyǵmatýlın bizdiń elimizge resmı saparmen kelgen Vengrııa Memlekettik jınalysynyń tóraǵasy Laslo Kıovermen kezdesti, dep habarlady osy palatanyń baspasóz qyzmeti.
Júzdesý barysynda taraptar yntymaqtastyqtyń mańyzdy máselelerin talqylady. Nurlan Nyǵmatýlınniń atap ótkenindeı, Vengrııa – Qazaqstannyń Ortalyq jáne Shyǵys Eýropadaǵy mańyzdy saıası jáne ekonomıkalyq áriptesi.
Qos memleket arasyndaǵy syrtqy saýda aınalymy 2012 jyly 258 mln. AQSh dollaryn quraǵan. Qazirgi ýaqytta elimizde 49 qazaqstandyq-vengrııalyq birlesken kásiporyny jumys isteıdi.
Halyqaralyq saıasattaǵy ózekti máselelerge keletin bolsaq, kezdesý ıeleri Qazaqstan men Vengrııany aımaqtyq qaýipsizdik pen turaqtylyqty nyǵaıtýdaǵy uqsas ustanymdar biriktiretindigi týraly ortaq pikirlerin jetkizdi.
Sonymen qatar, Nurlan Nyǵmatýlın Qazaqstan Prezıdenti Nursultan Nazarbaevtyń aýqymdy bastamalarynyń arqasynda bizdiń memleketimizdiń syrtqy saıasattaǵy kókeıkesti taqyryptar talqylanatyn, bedeldi halyqaralyq suhbat alańy retinde tanylǵandyǵyn basa atap ótti.
О́z kezeginde Laslo Kıover Qazaqstan-Vengrııa qarym-qatynas deńgeıine, sondaı-aq, Nursultan Nazarbaevtyń basshylyǵynyń arqasynda bizdiń elimizdiń jetken jetistikterine joǵary baǵa berdi.
Parlamentaralyq áriptestikke de basa mán berilip, taraptar Qazaqstan men Vengrııa parlamentteri arasynda úzdiksiz damý jolyna túsken syndarly suhbat ornaǵanyn tilge tıek etti. Májiliste Vengrııamen yntymaqtastyq jóninde 9 depýtattan turatyn top jumys isteıdi, al Vengrııa Parlamentinde Qazaqstanmen dostyq tobynda 17 depýtat bar.
Májilis Tóraǵasy parlamentaralyq baılanystar men ekijaqty qatynastardy, ásirese, bizdiń elimizdiń áleýmettik-ekonomıkalyq jańǵyrtý jáne saıası damýynyń jańa baǵytynyń negizi bolyp tabylatyn «Qazaqstan-2050» Strategııasyn júzege asyrý aıasynda odan ári damytýdyń mańyzdylyǵyna toqtaldy.
Nurlan Nyǵmatýlın men Laslo Kıoverdiń atap ótkenindeı, salalyq komıtetter men yntymaqtastyq jónindegi toptar arasynda zań shyǵarmashylyq jumystar boıynsha tájirıbe almasýdyń, sondaı-aq, halyqaralyq parlamenttik uıymdar aıasynda ózara qoldaý kórsetýdiń máni zor.
Májilis Tóraǵasy men Vengrııa Memlekettik jınalysynyń spıkeri Qazaqstan men Vengrııanyń keleshekte de ózara is-qımyldy, sonyń ishinde parlamentaralyq deńgeıde tabysty damytý bolashaǵynyń zor ekenin atap ótti.
