Aımaqtar • 15 Tamyz, 2020

Qyzylorda oblysynyń ákimi bıznes qaýymdastyǵynyń ókilderimen kezdesti

98 ret kórsetildi

Búgin oblys ákimi Gúlshara Ábdiqalyqova óńirdegi bıznes ókilderimen kezdesti. Jıynda otandyq ónim óndirý jáne jergilikti taýaróndirýshilerdi qoldaý sharalary men óndeý salalarynyń damýy týraly máseleler jan-jaqty talqylandy. Bul týraly  Egemen.kz oblys ákiminiń baspasóz qyzmetine silteme jasap habarlaıdy.

Karantın kezinde kásipkerlerdi qoldaý baǵytynda birqatar sharalar atqaryldy. Atap aıtqanda, salyq júktemesin azaıtý, kásipkerlik nysandardy tekserýdi shekteý, bıznesti qarjylandyrýdyń qoljetimdiligin arttyrý, basym baǵyttardy qoldaý tetigin kúsheıtý jáne nesıe mólsherlemesin tómendetýde bıznes ıelerine járdem berildi.

О́ńirde 51 myńnan asa kásipker salyq jeńildigin alsa, 9 myńǵa jýyq bıznes ıeleri mindetti áleýmettik medısınalyq saqtandyrý tóleminen bosatyldy. Sonymen birge shaǵyn orta kásip sýbektilerine memlekettik múlikti jalǵa berýde 365 qosymsha kelisimder jasaldy.

Munan bólek, aımaqta 8 myńǵa jýyq shaǵyn kásip ıeleri nesıeni keıinge shegerý múmkindigine ıe boldy. Bul qoldaýdy 15 qyrkúıekke deıin uzartý jumystary júrýde.

Karantın jaǵdaıyna qaramastan, memlekettik baǵdarlamalar aıasynda nesıe portfelinen 9,6 mlrd teńge qaralyp, 600 jobaǵa qoldaý kórsetilgen. Jyl aıaǵyna deıin taǵy 700-ge jýyq joba qoldaý tabady.

Kezdesý barysynda oblys ákimi ekinshi deńgeıli banktermen kelisim jasaýda nesıelik lımıtterdi uzartý máselesin qozǵady.

"Búgingi kúni karantın jaǵdaıyn eskere otyryp, ekinshi deńgeıli bankterdiń basshylarymen kepil saıasatyna qoıylatyn talaptardy jeńildetý týraly kelissózder júrgizýdemiz. Sonymen birge bankterdiń fılıalyn ashý máselelerin qarap jatyrmyz", - dedi oblys ákimi.

Karantın ýaqytynda bıznesti qoldaý baǵytyna arnalǵan baǵdarlamalarǵa qarjy bólý toqtaǵan emes. Máselen, "Qarapaıym zattar ekonomıkasy" baǵdarlamasyna bólinetin qarjy 1,5 esege, "Bıznestiń jol kartasy 2025" baǵdarlamasyna qaralǵan qarjy 2 esege artqan.

Jıyn barysynda óńir basshysy bıznes ıelerine óndeý ónerkásibin damytýǵa shaqyryp, belsendi ınvestısııa tartyp, aımaqtyń ekonomıkalyq damý kórsetkishin jaqsartý arqyly aımaq halqynyń áleýmettik ahýalyn jaqsartý qajettigin atap ótti.

"Qazir bizdiń óńirde 6 iri joba iske asyp jatyr. Osy jobalar aıasynda óndiris oryndaryn ashyp alýǵa bolady. Máselen, sement zaýyty arqyly qapshyqtar shyǵaryp, dolomıtundaryn shyǵaratyn kásiporyn qurýǵa múmkindigimiz bolady", - dedi aımaq basshysy.

Kezdesý sońynda oblys ákimi sala basshylaryna birqatar naqty tapsyrma júktep, memleket pen bıznestiń áriptestigin damytýǵa úles qosyp júrgen kásipkerlerge alǵysyn jetkizdi.

Sońǵy jańalyqtar

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Uqsas jańalyqtar