Taraz qalasyndaǵy bankomattardyń birinen 16 mıllıon teńge qoldy boldy. Tártip saqshylaryna shaǵymdanǵan ekinshi deńgeıdegi bir banktiń ákimshiligi «Jansaıa» shaǵyn aýdanyndaǵy bankomattaǵy aqshadan 1 mıllıon teńge jetpeıtinin jazǵan.
Taraz qalasyndaǵy bankomattardyń birinen 16 mıllıon teńge qoldy boldy. Tártip saqshylaryna shaǵymdanǵan ekinshi deńgeıdegi bir banktiń ákimshiligi «Jansaıa» shaǵyn aýdanyndaǵy bankomattaǵy aqshadan 1 mıllıon teńge jetpeıtinin jazǵan.
Jedel izdestirý is-sharalarynyń nátıjesinde ishki ister organynyń qyzmetkerleri 37 jastaǵy Taraz turǵynyn ustady. Ol bankomattardyń qyzmetin qadaǵalaıtyn tehnık bolyp istegendikten onyń qyr-syryn jaqsy biletin bolyp shyqty. Al teksere kelgende ol «bankomat urlyǵyna» tamyz aıynan bastap kiriskeni anyqtaldy. Bank shyǵyny – 16 mıllıon teńge.
Baýkespeniń aıtýynsha, ol urlaǵan aqshanyń bárin qumar oıyndaryna jaratqan-mys. Búgingi kúnge deıin ózinde bar bolǵany 3 mıllıon teńge men 1000 AQSh dollary qalypty. Kúdikti qamaqqa alynyp, ústinen qylmystyq is qozǵaldy.
Kósemáli SÁTTIBAIULY,
«Egemen Qazaqstan».
TARAZ.
