Josparly medısınalyq kómek qaıta jandandy

2020 jyldyń 1 tamyzynan bas­tap Nur-Sultan qalasynda jos­parly medısınalyq kómek kórsetý qaıta jandandy. Birinshi kezekte, aýrýhanaǵa jatqyzýdy respýb­lıkalyq deńgeıdegi maman­dandy­rylǵan klınıkalar, kóp beıindi aýrýhanalar, qalalyq aýrýhanalar (COVID-19-men kúres jónindegi is-sharalarǵa qatyspaıtyn qalǵan stasıonarlardy kezeń-kezeńimen qosa otyryp) jolǵa qoıa bastady. Aıta ketý kerek, onyń ishinde jeke klınıkalardyń sany da jetkilikti.

«Koronavırýsqa qarsy is-shara­larǵa qatyspaıtyn medı­sınalyq uıymdar jumysyn qaı­ta bastaýǵa múmkindik aldy. Josparly medısı­nalyq kómek kór­setý boıynsha qu­ryl­ǵan jos­par epıdemııalyq jaǵ­daıǵa baıla­nysty ózgerip otyrady», dep atap ótti «Áleýmettik medı­sına­lyq saq­tandyrý qory» KEAQ Nur-Sul­tan qalasy boıynsha fılıaly dı­rektorynyń orynbasary Aınagúl Dáýletshına.

Eske sala keteıik, karantındik shekteýlerge baılanysty kóptegen josparly medısınalyq qyzmetter ýaqytsha toqtatylǵan bolatyn. En­di bul sala qaıta jandanǵan kezde josparly medısınalyq kómekti alýshylar sany aıtarlyqtaı óse­di dep kútilýde. Qajetti sanı­tar­lyq-epıdemııalyq sharalardy ja­saǵannan keıin medısınalyq uıym­darǵa stasıonarlardy ashýǵa ruqsat beriledi.