Shardara APB-ne aýdandyq ortalyq aýrýhanadan urlyq bolǵany jóninde habarlama kelip túsedi. Aryzda belgisiz adam aýrýhanaǵa qabyldaý esigi arqyly kirip, ashyq qalǵan májilis zalynda turǵan bir dana kompıýterdi (monoblok), klavıatýrasymen qosyp, jymqyryp ketkeni kórsetilgen. Keltirilgen shyǵyn kólemi 230 myń teńgeni qurady.
Atalǵan jaıt QR QK-niń 188-baby (Urlyq) boıynsha tirkelip, SDTTBT-ne engizildi. Urlyq qylmysyn ashý maqsatynda aýdannyń tájirıbeli polıseılerinen jedel–tergeý toby qurylyp, barlyq qajetti sharalar iske asyryldy. Jedel ýákilder beınebaqylaý kameralaryn tekserip, kýágerlerden jaýap aldy. Nátıjesinde, aýrýhanaǵa tıesili tehnıkalyq quraldardy jymqyrǵan kúdiktiniń jeke-basyn anyqtap, aýdan kósheleriniń birinen "izin sýytpaı" bir saǵat ishinde tabady.
Ol buryn birneshe ret sotty bolǵan jergilikti turǵyn bolyp shyqty. Tergeý barysynda anyqtalǵandaı, kúdikti urlaǵan kompıýterdi azyq–túlik dúkenderiniń birine ózine qajetti zattar alyp, kepilge qoıyp ketken. Aıǵaqty zattar tárkilenip alynyp, zańdy ıesine qaıtaryldy. Qazirgi tańda osy is boıynsha sotqa deıingi tergeý amaldary júrgizilýde. Kúdiktiniń bas sharasy qolhatpen bosatyldy. О́z kezeginde Túrkistan oblysynyń polıseıleri turǵyndarǵa qundy zattaryńyzǵa barynsha saq bolýdy eskertedi.
Aýlańyzǵa beınebaqylaý kameralaryn ornatyp, esikterińizge senimdi qulyptar, terezelerińizge temir torlar jasatýǵa keńes beredi. Mundaı qaýipsizdik sharalary sizdiń baǵaly zattaryńyzǵa kózi túsken urylardyń jolyn kesetinin umytpańyz.
