Maqtaral APB-niń kezekshi bólimine bazarda satýshy bolyp jumys isteıtin Atakent kentiniń turǵyny, urlyq týraly aryzdanady. Jábirlenýshiniń aıtýynsha, jergilikti bazarlardyń birinde dúken sóresinen belgisiz bireýler onyń aqshasy men qujattary salynǵan ámııanyn urlap ketken.
Bul jaıt QR QK-niń 188-baby (Urlyq) boıynsha SDTBT-ǵa tirkeldi. Ámııanda 12,5 myń teńgeden basqa qujattar men bank kartochkalary da bolǵan. Oqıǵa ornyna birden Maqtaaral APB-niń jedel-tergeý toby shyqty. Urlyqty ashý maqsatynda polıseıler barlyq qajetti jedel-izdestirý sharalaryn júrgizdi. Olar qylmys orny men beınebaqylaý kameralaryn muqııat tekserip, kýáger bolýy múmkin adamdarmen sóılesti.
Nátıjesinde tártip saqshylary Maqtaaral aýdanynyń zeınetker áıel turǵynyn, ıaǵnı kúdiktini ustaǵan. Kúdikti jedel túrde polısııa bólimine jetkizildi. Anyqtalǵandaı, egde jastaǵy áıel adam satýshynyń birer sátke burylǵanyn paıdalanyp, bildirtpeı ámııanyn urlap, qylmys ornynan izin jasyrǵan.
Qazirgi ýaqytta bótenniń múlkin urlaý deregi boıynsha sotqa deıingi tergeý amaldary júrgizilýde.
