Kóbimiz qara jumystyń adamyn ıgi jaqsylardyń, zııaly delinetinderdiń qataryna qosa bermeıtinimiz bar. Biraq olardyń arasynda da kóńil kózi ashyq, oı-sanasy bıik, áıtse de onysyn bildire bermeı, tek mádenıetimen ańǵartatyndar az emes. О́tken ǵasyrdyń eńbek adamdarynyń bolmysy bólek boldy. Olar darhan dalada da, qym-qıǵash tirliktegi qalada da ózderin kórsete bildi. Qazaq dalasynyń qyrandaı samǵaǵan HH ǵasyrdaǵy bir qyzy Kámshat Dónenbaeva edi. Ol Máskeýdiń tórinde de, óz Otanymyzdyń kıeli oryndarynda da kemeldik kórsetip: «Shirkin, bolmysyna aqyly saı, qazaq qyzy-aı!» degizgen.
Kóbimiz qara jumystyń adamyn ıgi jaqsylardyń, zııaly delinetinderdiń qataryna qosa bermeıtinimiz bar. Biraq olardyń arasynda da kóńil kózi ashyq, oı-sanasy bıik, áıtse de onysyn bildire bermeı, tek mádenıetimen ańǵartatyndar az emes. О́tken ǵasyrdyń eńbek adamdarynyń bolmysy bólek boldy. Olar darhan dalada da, qym-qıǵash tirliktegi qalada da ózderin kórsete bildi. Qazaq dalasynyń qyrandaı samǵaǵan HH ǵasyrdaǵy bir qyzy Kámshat Dónenbaeva edi. Ol Máskeýdiń tórinde de, óz Otanymyzdyń kıeli oryndarynda da kemeldik kórsetip: «Shirkin, bolmysyna aqyly saı, qazaq qyzy-aı!» degizgen.
Taıaýda ótken «Nur Otan» partııasynyń HV sezinen keıin Kámshat Dónenbaeva teledıdarǵa suhbat berip turyp, aýylǵa, onyń ishinde isher as, kıer kıimniń ózegi sanalatyn baıtaq dalamyzdaǵy qyzý eńbekke jastardyń bel sheship kelip, aralasa bermeıtinin aıtty. «Biz júrgizgen kombaın men búgingi astyq oratyn tehnıkanyń arasy jer men kókteı. Qazir shań jutpaısyń, qolyńdy kir shalmaıdy. Bári kompıýterlengen. Keıde sonyń rólinde otyratyn adam tabylmaı jatady. Osyny oılastyrsaq utylmas edik», dedi.
Shynynda, biz aýylǵa barǵan muǵalim men dárigerdi kóp aıtamyz. Al aýyl sharýashylyǵyna qulshynǵan jastar bar ma? «Qaıdasyń, HHI ǵasyrdyń Kámshaty?!» desek esh artyqtyǵy joq sekildi. Bul qasıetti de kıeli qazaq jerindegi urpaqtar sabaqtastyǵyn jalǵastyryp, jastardyń boıyndaǵy patrıottyq rýhty oıatyp, ult tamyryn bekite túser edi.
Súleımen MÁMET,
«Egemen Qazaqstan».
