"Almaty qalasynyń Polısııa departamenti "Qazaqfılm" kınostýdııasynyń aýmaǵynda bolǵan órtke baılanysty qylmystyq is qozǵady. Qala bıligimen qatar, Mádenıet jáne sport mınıstrligi bul isti erekshe baqylaýda ustaıdy. Árıne, biz "Qazaqfılmde" ishki tergeý júrgizip jatyrmyz. Júrgizilip jatqan tergeýdiń jekelegen múddesi úshin áli túsinikteme berýden bas tartýǵa májbúrmin", dedi Aqan Sataev.
"Atalǵan jaıt boıynsha Bostandyq aýdandyq polısııa basqarmasy tergeý jumystaryn bastap ta ketti. Tıisti saraptamalar taǵaıyndalady, olardyń nátıjelerine sáıkes órttiń naqty sebebi belgili bolady. Aldaǵy ýaqytta QR zańnamasyna sáıkes sharalar qadyladnady", deıdi qalalyq PD resmı ókili Saltanat Ázirbek.
14 tamyz kúni keshqurym "Qazaqfılm" stýdııasynyń aýmaǵy órtene bastady. О́rttiń alǵashqy jalyny 400 sharshy metrdi alyp ketti. Ol 23.10-da sóndirildi. Al órttiń ekinshi tolqyny 200 sharshy metrde jalmap, tek 23.26-da aýyzdyqtaldy. Zardap shekkender bolǵan joq.
"Qazaqfılm" kınostýdııasynyń prezıdenti Aqan Sataev málim etkendeı, qyzyl órttiń saldarynan "Qazaq handyǵy" kınokartınasynyń dekorasııasy men orman qoımasy janyp ketkenin qosa ketti.
"Álbette, bul órt boldy. Baqytymyzǵa oraı, zardap shekkender joq. Mine, búgingi kúni bizde bolǵan shyǵyn salystyrmaly túrde az, sondyqtan biz óz jumysymyzdy jalǵastyramyz. Biz munyń bárin istegen qylmyskerlerdi tabamyz dep úmittenemin", dedi rejısser.
Kınostýdııa ákimshiligi buǵan deıin Tótenshe jaǵdaı departamentiniń jáne polısııa qyzmetkerlerine, sondaı-aq Almaty ákimdigine jedel áreket etkeni úshin alǵys bildirgen bolatyn. О́rtti sóndirýge NOMAD tobynyń kaskaderleri de qatysty.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
