Aqtóbe oblysynda «Qazaq sý sharýashylyǵy» memlekettik mekemesiniń basshylary jalǵan mekemelerge aqsha aýdaryp, bıýdjet qarajatyn jymqyrdy. Bul týraly «Jetinshi» telearna habarlady.
Joǵaryda atalǵan mekemeniń sheneýnikteri oblystyń ózen-kólderin kútýge bólingen qarjyny jalǵan mekemelerge aýdaryp, ony dereý ıelengen kórinedi. Al aqsha aýdarylǵan bul mekemeler «bankrot» bolyp eseptelip, jabylypty. Osy keleńsizdiktiń saldarynan memleketke 52 mln. teńgeden asa shyǵyn kelgen. Qazir bylyqqa batqan sheneýnikterdiń ústinen qylmystyq is qozǵalyp, tergeý amaldary júrgizilýde.
Baqytbek Keneshuly.
