Bas Prokýratýranyń quqyqtyq statıstıka jáne arnaıy esepke alý jónindegi komıtetiniń málimetteri boıynsha, byltyr jol-kólik oqıǵasynan 24 585 qazaqstandyq zardap shekken. Bul aldyńǵy jylmen salystyrǵanda, 8%-dan astam (22 541 adam).
Jol apatynan zardap shekken (sonyń ishinde ajalǵa tap bolǵan) erler sany bir jyl ishinde 9%-ǵa ósip, 13 666 adamdy quraǵan. Al kólik apatynan zardap shekken áıelder sany 20%-ǵa tómen. Olardyń sany – 10 919 adam. Bul 2018 jylymen salystyrǵanda 7%-dan asady. Alaıda keıbir aýmaqtarda zardap shekken áıelder sany kóbirek. Mysaly, Soltústik Qazaqstan oblysynda jáne Almaty qalasynda jol-kólik oqıǵasynan zardap shekken áıelder sany erler sanynan 1% jáne 12%-dan asty. Nur-Sultan qalasynda zardap shekken áıelder sany 7%-dan asa adamǵa artyq. Áıelderdiń qatysýymen eń kóp apattyq oqıǵalar byltyr Almaty qalasynda (2 908), Almaty oblysynda (1 687), Shyǵys Qazaqstan oblysynda (995) jáne Jambyl oblysynda (889) bolǵan. Eń azy – Soltústik Qazaqstan (163), Atyraý (186) jáne Mańǵystaý oblystarynda (196).
Freedom Finance Insurance saqtandyrý kompanııasynyń málimetteri boıynsha, 2019 jyldyń qańtarynan 2020 tamyzyna deıin, OGPO mindetti avtosaqtandyrý polısterin er jynysty júrgizýshilerdiń 82% jáne áıel jynysty júrgizýshilerdiń 18%-y resimdedi. Saqtandyrý jaǵdaılaryn zertteý barysynda, 10 jol-kólik oqıǵasynyń 3-i kólik júrgizýshi áıelderdiń qatysýymen bolatyny anyqtaldy.
Áıelderdiń qatysýymen bolatyn jol-kólik oqıǵasynyń negizgi sebepteri: jol júrý barysynda basqa avtomashınalarmen aralyq qashyqtyqty buzý, qarama-qarsy jolaqqa shyǵyp ketý, qıylystaǵy jańylys manevrler nemese avtoturaqqa ornalasý barysynda ózge avtokólikke nemese artqa sheginý kezinde zaqym keltirý.
Sarapshylar sondaı-aq er júrgizýshilerdiń de mańyzdy sebepterin aıqyndady. Iаǵnı jyldamdyqty asyrý, jol júrý barysynda apattyq manevrler jasaý, masań halde kólik basqarý jáne jol qıylystaryndaǵy basymdylyqty saqtamaý.
