Oblys ákimi Qanat Bozymbaev Taraz qalasyndaǵy Jastar ortalyǵyna baryp, stýdentterge dáris oqydy. Dáris taqyryby aımaqtyń áleýmettik-ekonomıkalyq damýynyń máseleleri men olardy sheshý baǵyttary boldy.
Oblys ákimi Qanat Bozymbaev Taraz qalasyndaǵy Jastar ortalyǵyna baryp, stýdentterge dáris oqydy. Dáris taqyryby aımaqtyń áleýmettik-ekonomıkalyq damýynyń máseleleri men olardy sheshý baǵyttary boldy.
Ákimniń aıtýynsha, óńirdegi ekonomıkalyq damýdy júzege asyrý úshin oblysty órkendetýdiń 2011-2015 jyldarǵa arnalǵan keshendi baǵdarlamasy úlken septigin tıgizgen. Oblystyń osy basty qujatynda aımaqtyń ekonomıkalyq jáne áleýmettik salalaryn damytý erekshe nazarǵa alynǵan. Atap aıtsaq, baǵdarlamada óńir damýynyń negizgi baǵyttary – hımııa óndirisi, aýyl sharýashylyǵy sektory, qurylys ındýstrııasy jáne jeńil ónerkásipti órkendetýge aıryqsha basymdyqtar berilipti.
Jastarǵa dáris oqý barysynda oblys ákimi mamandyq tańdaýda qatelespeý kerektigin basa aıtty. Bul jerde jastardyń birinshi kezekte álemdik trend, respýblıkanyń jáne aımaqtyń suranysyna mán berýi atap ótildi. Ákimniń aıtýynsha, bolashaqta aımaqqa aýyl sharýashylyǵy, densaýlyq saqtaý, jeńil jáne óńdeý ónerkásibi, hımııa jáne qurylys klasterine mamandar óte kóp qajet bolady.
Jalpy, oblysta 5 joǵary oqý orny jumys istep tursa, olarda 30 myńnan astam stýdent bilim alýda. Qazirgi kezde oblys turǵyndarynyń sany shamamen 1 070,2 myń adam bolsa, onyń 27,5 paıyzyn jastar quraıdy.
Kósemáli SÁTTIBAIULY,
«Egemen Qazaqstan».
Jambyl oblysy.
