Almaty qalasyndaǵy Qazaq Ulttyq agrarlyq ýnıversıtetiniń májilis zalynda Ulybrıtanııanyń Qazaqstandaǵy elshiligi men EQYU-nyń Astanadaǵy ortalyǵynyń jáne Halyqaralyq kóshi-qon uıymynyń Qazaqstandaǵy ókildiginiń tehnıkalyq járdemimen úsh tilde jaryq kórgen Elbasy janyndaǵy Adam quqyqtary jónindegi komıssııasynyń «2012 jyly Qazaqstan Respýblıkasyndaǵy adam quqyqtarynyń ahýaly týraly» jáne «Qazaqstan Respýblıkasyndaǵy mıgranttar quqyqtarynyń ahýaly týraly» baıandamalarynyń Almaty qalasynyń jurtshylyǵyna arnalǵan tusaýkeseri ótti.
Almaty qalasyndaǵy Qazaq Ulttyq agrarlyq ýnıversıtetiniń májilis zalynda Ulybrıtanııanyń Qazaqstandaǵy elshiligi men EQYU-nyń Astanadaǵy ortalyǵynyń jáne Halyqaralyq kóshi-qon uıymynyń Qazaqstandaǵy ókildiginiń tehnıkalyq járdemimen úsh tilde jaryq kórgen Elbasy janyndaǵy Adam quqyqtary jónindegi komıssııasynyń «2012 jyly Qazaqstan Respýblıkasyndaǵy adam quqyqtarynyń ahýaly týraly» jáne «Qazaqstan Respýblıkasyndaǵy mıgranttar quqyqtarynyń ahýaly týraly» baıandamalarynyń Almaty qalasynyń jurtshylyǵyna arnalǵan tusaýkeseri ótti.
Tusaýkeserge Elbasy janyndaǵy Adam quqyqtary jónindegi komıssııanyń tóraǵasy Qýanysh Sultanov, Qazaq Ulttyq agrarlyq ýnıversıtetiniń rektory Tilektes Espolov, Eýropalyq Odaqtyń Qazaqstandaǵy О́kildiginiń basshysy Aýrelııa Býshez hanym jáne ózge de halyqaralyq uıym ókilderi qatysty.
Baıandamanyń tanystyrý sharasyna Almaty qalasynyń memlekettik organdary men úkimettik emes uıymdarynyń ókilderi, quqyqtanýshy-ǵalymdar, halyqaralyq uıymdar men dıplomatııalyq ókildikterdiń basshylary, advokatýra, bilim jáne ǵylym, densaýlyq saqtaý, mádenıet, bıznes jáne BAQ ókilderi, Almaty qalasyndaǵy joǵary oqý oryndarynyń stýdentteri men oqytýshylary qatysyp, atalmysh qujattyń tolyq nusqasymen tanystyrǵan Elbasy janyndaǵy Adam quqyqtary jónindegi komıssııanyń músheleri Tastemir Ábishev, Vıtalıı Voronov, Nurıla Shahanova, Erkin Ońǵarbaev jáne German Nurbaev sekildi jaýapty tulǵalarmen suhbattasty.
Shara barysyndaǵy baıandamalarda Qazaqstan bekitken halyqaralyq kelisimderdiń normalaryna sáıkes adam quqyqtaryn, sondaı-aq eńbek mıgranttarynyń quqyqtaryn qorǵaý salasyndaǵy zańnama men quqyq qoldaný tájirıbesiniń salystyrmaly taldaýy, Konstıtýsııa jáne halyqaralyq standarttardyń normalaryna sáıkes halyqtyń áleýmettik jaǵynan qorǵalatyn toptaryna jatatyn azamattardyń áleýmettik-ekonomıkalyq, eńbek jáne mádenı quqyqtaryn qorǵaý tetikterin ári qaraı jetildirý boıynsha naqty qadamdar qamtylǵany atap ótildi.
Tusaýkeser rásiminde sóz sóılegen sarapshylar Elbasy janyndaǵy Adam quqyqtary jónindegi komıssııanyń baıandamalaryna joǵary baǵa berip, olardyń usynymdaryn Qazaqstan Respýblıkasynyń Úkimeti men Parlamenti is júzinde qoldanysqa engize bastaǵanyn aıtyp ótti.
Qanat ESKENDIR,
«Egemen Qazaqstan».
ALMATY.
