2020 jyly Almaty – Indýstrıaldy aımaǵy aýmaǵynda metall óńdeý jáne jyljymaly qorshaý konstrýksııalaryn óndirý boıynsha keshen iske qosylǵan bolatyn.
Aǵymdaǵy jyldyń sońyna deıin 1 100 jumys ornyn qurý arqyly jalpy somasy 30,1 mlrd teńgeni quraıtyn 9 jobany iske qosý josparlanýda. Bul avtokólik shyǵaratyn "Hyundai Trans Kazakhstan" zaýyty, medısınalyq maqsatta dıagnostıkalyq test shyǵaratyn "Kaz-Dıa-Test", avtoklav gaz-beton shyǵaratyn "G.S.G. Vysotnık", jylý gazobloktaryn shyǵaratyn "SK Rahat", tabıǵı tastan ónim shyǵaratyn "Sıtı Stoýn", ortashakerneýli taratýshy quraldardy shyǵaratyn "TEHNOKONT", elektrtehnıkalyq quraldardy shyǵaratyn "Elektrobar", jeldetý júıelerin óndiretin "KazPromVent", jylý oqshaýlaıtyn materıaldar shyǵaratyn "SAVENERGY".
2021 jyly jáne odan keıingi jyldary 5,5 myńnan astam jumys ornyn qurý arqyly 160 mlrd tg somasyna 38 jobany iske qosý josparlanýda.
Almatynyń Indýstrıaldy aımaǵyna búgingi tańda barlyǵy 60 kompanııa qatysýda.
Sonymen birge, 2020 jyldyń sońyna deıin tórt óndiristik park iske qosylady.
Qazirgi ýaqytta qurylys júrgizýshiler ("KazStroyTrade" JShS, "D&J "Industries & Logistic" JShS, "Ala Estate" JShS, "ADS Industries" JShS) jobalyq jumystaryn aıaqtap keledi jáne ýchaskelerdegi qurylys-montajdaý jumystaryna kiristi. О́ndiristik ǵımarattardyń jalpy aýmaǵy 36 myń sharshy metrdi quraıdy. Olarǵa qurylys, jıhaz, jeńil jáne taǵamdyq ónerkásip salasyndaǵy óndiris oryndary ornalastyrylady. О́ndiristik parkterde 1100-den astam jańa jumys ornyn ashý josparlanýda.
B. Mándibaevtyń aıtýynsha, shaǵyn óndiristik parkterdi damytý jobasy "Almaty bıznes – 2025" shaǵyn jáne orta kásipkerlikti damytý baǵdarlamasy boıynsha júzege asyrylýda, onyń aıasynda qala aýmaǵynda óndiristik ǵımarattar ınvestorlarmen nemese óndiristik bazalardyń menshik ıelerimen salynady.
О́ndiristik ǵımarattar ShOB sýbektilerine jeńildetilgen sharttarmen: tirkelgen jaldamalyq mólsherlememen 5-7 jylǵa deıingi merzimge beriledi. Ǵımaratty jalǵa alý quny sharshy metr úshin 1000-1200 tg quraıdy. Ǵımaratty satyp alý quny sharshy metr úshin 145 000 tg. Almaty qalasynyń aýmaǵyndaǵy Indýstrıaldy aımaq aýmaǵyndaǵy shaǵyn óndiristik parkke qatysýǵa 70-ten astam kompanııa qyzyǵýshylyq bildirgen.
О́ndiristik park jobalaryn júzege asyrý artyqshylyqtary: qaladaǵy ákimshilik jáne bos turǵan óndiristik ǵımarattardy aınalymǵa engizý; iskerlik belsendiligi tómen aýdandarda bıznestiń damýyna jáne qurylýyna kómek kórsetý (jańa jumys oryndary, salyqtar); 2-7% mólsherinde qarjylandyrýdyń jeńildetilgen kórsetkishteri.
