706 shaǵymnyń 530-y stıhııalyq úıindilerge, 176-y tolyp ketken konteınerlerge qatysty.
Bir apta ishinde ákimdikpen birge polıgondardyń jartysynan kóbi nemese 419 úıindi joıyldy. Bul baǵyttaǵy jumys jalǵasýda.
Jalpy Ekologııa mınıstrligi turǵyndar tarapynan shaǵymdar artqanyn baıqaýda. Bul azamattyq pozısııanyń óskenin bildiredi. Onyń ústine, jedel jeli jumysynyń tıimdiligi keıingi eki aptada aıqyn baıqalady.
Shaǵym túskennen keıin aqparat dereý jergilikti ekologııa departamentterine, QR IIM qyzmeti men ákimdikterge jiberiledi. Mamandar jedel tekserý ornyna baryp, shara qoldanady, kináliler jazalanyp, sonyń ishinde aıyppul óndirilip alynady.
Eske salsaq, Ekologııa mınıstrliginiń jedel jeli nómiri: +7 (775) 952-49-00. Vatsaptaǵy osy nómir arqyly kez-kelgen qazaqstandyq óz qalasyndaǵy nemese aýylyndaǵy stıhııalyq koqys týraly aqparatty, ony rastaıtyn fotosýret pen beınetúsirilimdi jibere alady.
Ekologııa mınıstrligi eldegi barlyq halyqqa bul máselege beı-jaı qaramaýyn ótinedi. Stıhııalyq úıindilerge kýá bola qalsa, jedel jelige dereý habarlaýyn, zańbuzýshylarǵa sol jerde eskertý jasap, polısııa shaqyrý kerektigin eske salady.
Osy baǵyttaǵy jumys tek birlesip atqarǵan ýaqytta ǵana retke keledi, dep atap ótedi QR EGTRM baspasóz qyzmeti.
