Forsaıttyq zertteýlerdiń qorytyndysy boıynsha sarapshylar qazaqstandyq ımıdjdiń jańa beınesin qalyptastyrý jobasyn jasap, keıbir taqyryptar boıynsha qoǵamdyq damýdyń 2035 jylǵa deıingi tanymyn qurmaq.
17 tamyz kúni forsaıt zertteýlerdiń kezekti sessııasy bastaldy. Onyń basty maqsaty – jastardyń baǵyty men áleýetin zerdelep, qazaqstyndyq ımıdjdiń jańa beınesin qalyptastyrý.
Forsaıt sessııanyń basty moderatory – "BTS Education" JShS-niń jetekshisi Saıasat Nurbek. Sondaı-aq, moderatorlar – "Global Futures Kazakhstan" JShS-niń uıymdastyrýshylyq damý jónindegi sarapshysy Oleg Mesık pen "Jańa kásipter atlasy" jobasy jetekshisiniń orynbasary Evgenıı Vınogradov (Máskeý qalasy, Reseı Federasııasy).
Forsaıt "Rýhanı jańǵyrý" qazaqstandyq qoǵamdyq damý ınstıtýtynyń bastamasymen júzege asýda. "Qazaqstandyq ımıdjdi qalyptastyrý", "Inklıýzıvti kózqaras jáne ınklıýzıvti qoǵamdy qurý" jáne "Qazaqstan halyqaralyq arenada" taqyryptary boıynsha ótedi.
