"Bul is-sharany ótkizýdegi basty maqsaty – ekologııalyq quqyq buzýshylyqtardy anyqtap, jolyn kesý, oblys turǵyndaryna qorshaǵan ortaǵa, tabıǵatqa qamqorlyq tanytýdy túsindirý. Ásirese, adamdar kóp jınalatyn Jaıyq ózeniniń, Inder aýdanyndaǵy Tuzdykól men Jylyoı aýdanyndaǵy Qamyskól kólderiniń jaǵalaýlary men demalys aımaqtaryna reıdtik sharalar uıymdastyrylýda. Atalǵan sý aıdyndarynyń jaǵalaýlarynda ishimdik iship, mas kúıinde júrgender –21, jasyl jelekterdi búldirgen –28, belgililenbegen oryndarda balyq aýlaǵan – 47, belgilenbegen jerlerde sýǵa túsken –247, temeki, qoqys qaldyqtaryn tastaǵandarǵa qatysty 27 derek anyqtaldy. Quqyq buzýshylarǵa 1mıllıon 242 680 teńge aıyppul salyndy" - dedi oblystyq polısııa departamentiniń bastyǵy, polısııa polkovnıgi Qamza Úmbetqalıev.
