Jaqynda Shyǵys Qazaqstan oblysy ákiminiń birinshi orynbasary Ermek Kósherbaev aqparat quraldary ókilderimen brıfıng ótkizip, Kendi Altaıdaǵy serpindi jobalar, ındýstrııalandyrý kartasyna engen qurylystardyń jaı-kúıi, «Bıznestiń jol kartasy-2020» baǵdarlamasynyń oryndalýy, jalpy ekonomıka jaıly oılaryn ortaǵa saldy.
Jaqynda Shyǵys Qazaqstan oblysy ákiminiń birinshi orynbasary Ermek Kósherbaev aqparat quraldary ókilderimen brıfıng ótkizip, Kendi Altaıdaǵy serpindi jobalar, ındýstrııalandyrý kartasyna engen qurylystardyń jaı-kúıi, «Bıznestiń jol kartasy-2020» baǵdarlamasynyń oryndalýy, jalpy ekonomıka jaıly oılaryn ortaǵa saldy.
– Elbasy N.Nazarbaev jaqynda ǵana el ekonomıkasyn alǵa bastaıtyn serpindi jobalardyń oryndalýynyń kóp rette sóz júzinde qalyp qoıatynyn, shyn máninde, tusaýy kesilgen keıbir ǵımarattardyń jumys istemeıtinin syn tezine aldy. Abyroı bolǵanda, mundaı kemshilikter bizde oryn alǵan joq, synnan qorytyndy shyǵarý úshin rezervter men múmkindikterdi tıimdi paıdalanǵanda ǵana dittegen mejeden shyǵa alamyz, – dedi oblys ákiminiń birinshi orynbasary.
Qazaqstannyń ındýstrııalandyrý kartasyna óńirden jalpy quny 651,8 mıllıard teńge bolatyn 53 ınvestısııalyq joba engizildi. Eger bul jobalar iske asqanda jańadan 25 myń jumys orny ashylady eken. 2010 jyldyń basynan 2013 jyldyń birinshi jartyjyldyǵyna deıin jalpy quny 197,9 mıllıard teńgeniń 33 ınvestısııalyq jobasy paıdalanýǵa berilipti. Osy ýaqyt ishinde 8,2 myń jumys orny ashylǵan. О́ńirdegi tústi metallýrgııanyń alyptary – «Kazsınk», «О́skemen tıtan-magnıı kombınaty», «Úlbi metallýrgııa zaýyty», «Shyǵys Qazaqstan máshıne jasaý zaýyty» AQ-tar men basqa da birqatar kásiporyndarda údemeli jobalar júzege asty. «Azııa-Avto» zaýytynyń keń aýqymdy qurylysy bastaldy. О́ńir basshysy B.Saparbaevtyń tapsyrmasymen jańa zaýyttyń qurylys alańyna 306 gektar jer telimi bólinip, ol jerde 600 mıllıon teńgeniń qurylys-montaj jumystary atqarylmaq. Qazir zaýytta kólikterdiń 20-dan astam túri shyǵarylýda. Ol tolyq qýatyna engende kásiporynda 12 myń adam jumysqa tartylyp, oblys bıýdjeti jyl saıyn mıllıardtaǵan teńgemen tolyǵyp otyrmaq. Osydan birer kún buryn óńirge Qarjy jáne Aýyl sharýashylyǵy mınıstrleri B.Jámishev pen A.Mamytbekov kelip, elimizdegi tuńǵysh qus etin tereńdetip óńdeıtin jańa zaýyttyń ashylýyna qatysty. Bul joba da elimizdiń ındýstrııalandyrý kartasyna engen. Qus etin óńdeý arqyly odan shujyqtyń júzden astam túri shyǵarylyp, ony kórshi memleketterge eksportqa shyǵarý mindeti tur.
E.Kósherbaevtyń aıtýynsha, aǵymdaǵy jyly 8 joba júzege asypty. Atap óterlik jaıt, ınnovasııalyq ónim óndirý boıynsha aımaq el kóleminde birinshi oryndy ıelengen, sebebi, munda elimiz boıynsha ónimniń tórtten biri shyǵarylady eken. Jyl basynan beri 105 myń sharshy metr baspana paıdalanýǵa berildi. Bıyl iske qosylǵan 11 áleýmettik nysannyń ishinde 7 mektep, mádenı ortalyq, sport modýlderi, emhana men aýrýhanalar bar.
Ońdasyn ELÝBAI,
«Egemen Qazaqstan».
О́SKEMEN.
