Alǵashqy jumys kúninen bastap Qazaqstannyń áskerı dárigerleri Lıvannyń júzdegen azamattaryna medısınalyq kómek kórsetti. Qazaqstandyq mamandardyń medısınalyq kómek kórsetýi Lıvan dárigerlerimen birge áskerı gospıtal men mýnısıpaldyq aýrýhanalardyń bazasynda júzege asyrylady.
О́tinish bildirgenderdiń arasynda ammıak selıtrasynyń detonasııasy nátıjesinde jarylys tolqyny áser etetin aımaqta bolǵandar bar. Qazaqstandyq dárigerler hırýrgııalyq, travmatologııalyq jáne terapevtik pasıentterdi emdeýge jumyldyryldy. Bizdiń dárigerler reanımasııa jáne anestezıologııa bólimsheleriniń jumysyna, endoprotezdeý sııaqty joǵary tehnologııalyq qyzmetterdi qosa alǵanda, operasııalyq aralasýlar júrgizýge belsendi qatysady. Sonymen qatar áskerı dárigerler ambýlatorııalyq naýqastarǵa kómek kórsetý jáne qabyldaý boıynsha medısınalyq pýnkttiń jumysyn uıymdastyrdy.
Qazaqstandyq dárigerlerdiń jumysy eldegi epıdemııalyq jaǵdaıdy eskere otyryp, qatań sanıtarlyq-gıgıenalyq talaptardy saqtaı otyryp uıymdastyrylǵan.
«Men Lıvannyń ońtústigindegi Beırýtta turamyn. Osy qıyn-qystaý kezeńde Qazaqstan basshylyǵyna jáne áskerı dárigerlerge meniń halqyma jáne balalaryma kómek kórsetkeni úshin alǵysymdy bildirgim keledi. Lıvanǵa qosh keldińiz!» – dedi naýqastardyń biri Fadı Ehrı.
Esterińizge sala keteıik, qazirgi ýaqytta Lıvanda arnaıy maqsattaǵy qazaqstandyq áskerı-medısınalyq jasaq jumys isteýde.
