Alaıda karantın sharalary jeńildetilgenimen qaýipti indet elimizden tolyq ketken joq. Áli de syrqattanyp, emhanada jatqan naýqastar bar. Qanshama aq halatty abzal jandarymyz sol naýqastardyń ómiri úshin, tezirek saýyǵýy úshin kún-tún demeı, aıanbaı eńbek etip jatyr. Árıne, bárimiz de burynǵydaı baratyn jerimizge baryp, emin-erkin júrgimiz keledi. Ol kúnderge de jaqyn qaldy. Ol úshin bizge karantın talaptaryn jan-jaqty saqtaýǵa týra keledi.
Sońǵy aılar elimiz úshin óte aýyr boldy. Talaı adam jaqyn-jýyǵynan aıyryldy. Talaı adamnyń jumysy toqtap qaldy. Mundaı qaıǵyly jaǵdaılar, mundaı keleńsizdik endi bolmasyn dep tileımiz. Eń mańyzdysy – el-jurttyń amandyǵy. El-jurttyń amandyǵyn oılasaq, karantın jeńildetildi eken dep barlyǵyn umytyp, jelpinip ketpeıik, arqany keńge salmaıyq. Qyrqyna shydadyq qoı, qyryq birine de shydaıyq, aǵaıyn!
Ádil TURǴANBAEV,
dástúrli ánshi,
Mádenıet salasynyń úzdigi
О́SKEMEN
