Osyndaı qaıyrymdylyq sharasyn jaqynda ımandylyqtyń ordasy sanalatyn Nur-Sultan qalasyndaǵy Áziret Sultan meshiti jasady. Meshittiń bas ımamy Erbolat Júsipovtiń bastamasymen «Astana qalasy múgedekter qoǵamy» qoǵamdyq birlestigi men «Semeı-IаP» qoǵamdyq qoryna qaıyrymdylyq jasap, muqtaj jandarǵa kómek qolyn sozdy.
– Osyndaı qıyn-qystaý kezeńde múgedek, kómekke muqtaj jandarǵa qoldaý kórsetip otyrǵan Áziret Sultan meshitiniń ujymyna, onyń bas ımamy Erbolat Júsipovke alǵysymyzdy jetkizgimiz keledi. Meshit atynan bizdiń múshelerimizge elýge tarta azyq-túlik sebetin taratty. Allanyń nury jaýsyn! Qaıyrymdy jandarǵa úlken alǵysymyzdy bildiremiz, – deıdi «Astana qalasy múgedekter qoǵamy» qoǵamdyq birlestigi men «Semeı-IаP» qoǵamdyq qorynyń tóraǵasy Bolatbek Ábdikárim.
Meshittiń bas ımamy qaıyrymdylyq sharasy aldaǵy ýaqytta da jalǵasatynyn, atalǵan qoǵamdyq birlestik pen qoǵamdyq qordyń kómekke muqtaj azamattaryn árkez qoldap, kómek kórsetetinderin jetkizdi.
