Las-Vegastaǵy meteorologııalyq qyzmet bıýrosynyń meteorology Denıel Berktiń aıtýynsha, ylǵaldylyq 7 paıyzǵa deıin tómendep, qurǵaq ystyq bolǵan. Turǵyndarǵa syrtqa shyqpaýǵa, shyqqan jaǵdaıda ystyqtan qorǵanýǵa keńes berildi. D.Berk sondaı-aq AQSh-tyń batys bóligindegi ystyq aýa raıy apta boıy jalǵasatynyn habarlady.
Sarapshylar mundaı kórsetkishtiń sońǵy júz jylda, tipti eshqashan tirkelmegeni múmkin ekenin aıtady. Dúnıejúzilik meteorologııalyq uıym tarıhta budan da joǵary aýa temperatýrasynyń bolǵanyn málimdegen. Degenmen, aýa raıy mamany Krıstofer Bert óz zertteýi negizinde álgi málimdemege kúdik keltirdi. Onyń aıtýynsha, eski jazbalarda baqylaýshynyń qateligi bolýy yqtımal...
Klımattyń ózgerýi jahandyq temperatýrany jańa deńgeıge kóterdi. Eýropada Soltústik Ispanııa shildede jergilikti aýa temperatýrasynyń rekordyn tirkedi, al Fransııada bıdaı alqaptary órtendi. Reseıde Sibir ormandarynda buryn-sońdy bolmaǵan orman órtteri oryn aldy.
