Jaqynda Rýdnyı qalasynda qol qoıylǵan memorandým ENRC korporasııasynyń quramyndaǵy Sokolov-Sarybaı taý-ken óndiristik birlestiginiń qyzmetkerlerine arnalǵan áleýmettik baǵdarlamalardyń aýqymyn keńeıtti. Qujatqa birlestiktiń birinshi basshysy Muhamedjan Týrdahýnov pen kásiporyn kásipodaǵynyń tóraıymy Tatıana Sherstobıtova qol qoıdy.
Jaqynda Rýdnyı qalasynda qol qoıylǵan memorandým ENRC korporasııasynyń quramyndaǵy Sokolov-Sarybaı taý-ken óndiristik birlestiginiń qyzmetkerlerine arnalǵan áleýmettik baǵdarlamalardyń aýqymyn keńeıtti. Qujatqa birlestiktiń birinshi basshysy Muhamedjan Týrdahýnov pen kásiporyn kásipodaǵynyń tóraıymy Tatıana Sherstobıtova qol qoıdy.
Atalǵan memorandým kásiporyndaǵy ujymdyq kelisimsharttyń ornyna qabyldandy.
– SSKО́B kásipodaǵynyń qyzmeti kásiporynnyń myńdaǵan qyzmetkerlerimen tyǵyz baılanysty, – deıdi kásiporyn prezıdenti Muhamedjan Týrdahýnov. – Kásipodaq óte mańyzdy jáne senimdi seriktes ekendigin ýaqyt kórsetti. О́te kúrdeli máselelerdi sheshkende de basshylyq pen kásipodaq árqashan ortaq kelisimge kelýge umtylady. Sonyń arqasynda biz kásiporyndy saqtap qalyp, óndiris kólemin ósirip jatyrmyz, bolashaqqa senimmen qaraımyz.
Jańa qujat qyzmetkerdiń áleýmettik kepilderiniń tizimin keńeıtti. Mysaly, áıelderdiń dekrettik demalysqa shyqqanǵa deıingi qosymsha aqyly demalysy 18 kúnnen 24 kúnge deıin uzartyldy. Sonymen qatar, jyl saıyn kásiporyn ardagerlerine arnalyp «Rassvet» emdeý-saýyqtyrý ortalyǵyna 120 joldama beriledi. Basshylyqtyń sózinshe, óndiris kóleminiń ósimine qaraı áleýmettik paket te keńeıtiledi.
– Ujymdyq kelisimshartqa qol qoıý – kásiporyn ómirindegi eleýli oqıǵa, – dep atap ótti «SSKО́B» AQ kásipodaq basshysy, oblystyq máslıhattyń depýtaty Tatıana Sherstobıtova. – Elimizdegi eń úzdik kásipodaq dárejesin saqtap qalý úshin barlyq kúsh-jigerimizdi jumsaımyz.
Memorandýmǵa qol qoıý saltanatty jaǵdaıda basshylyq pen kásiporyn bólimshelerindegi kásipodaq ókilderiniń qatysýymen ótkizildi. Zor yqylaspen qabyldanǵan jańa qujat jemisti jumysqa negiz bolmaq.
«Egemen-aqparat».
